4Habahim Diyosepa haidana ya falibadi iyen, Au sigima! Maihalana yai sa sigilau iyen, Yau hidamiu Diyosepa! Logegu, ami uneꞌune afulegu Idipi lisidi yai.
5Yo hinaga iyen, Aho te, tabu au nuwa heyaya yo au manabala fuyoimiu paꞌana ami uneꞌuneꞌegu amaiteꞌi. Aniyona mate bena dodoga E fofo fahidi be Yaubada ya dui bwaꞌiyeguma amaiteꞌi.
6Galamo wesawesasa bolimanna fafaluwagana nuꞌu yai te, na faligigi hola otadi mate ibege tanohi giyalina, uma yo lau gabu.
7In moho Yaubada ya dui bwaꞌiyeguma bena E fofomiu, E abi famwahulimiu yo bena laulauwewemiu E gwalaidi, be sa mwahumwahuli ai tanoꞌubu.
8Logena Yaubada ya duiguma amaiteꞌi. Hige umi au duiguma. Ya tolegu doha Falo tamana, ena luma mahudoꞌina E tanuwagai yo Idipi mahudoꞌina tau ita watanina.
9Doꞌata te, feula au fuyo tamada lebena be au faliba auwen, “Natum Diyosepa alinana doha ite: Guyau haꞌa ya tole Idipi mahudoꞌina tau ita watanina. Be u lidi lisina. Tabu u fadagege!”
10“Haba ai fadidina wa gogo, Gosen nuꞌuna yai: nanatum yo afa waham, em yosiyosi - sipi, gouti, bulumakau yo somo mahudoꞌidi lisim yai.
11“Ainiya haba ya ita watanim, paꞌana galamo wesawesasa bolima faligigi hola otadi. Yena higeꞌe, um yo am boga mahudoꞌidi ibege emi gogo.”
25Yo fede Idipi sa lau afulen na sa fuyo tamadi Iyakobo lebena Kanana tanohina yai.
26Sa faliba tiyen, Diyosepa ma mwahumwahulina! In mate Idipi mahudoꞌina ya ita watan. Iyakobo ya tauhiti; hige i kawawananahaꞌedi.
27In moho fuyanna Diyosepa somo ya falibadi mahudoꞌina sa dedei lisina yai yo aba husahusa Diyosepa ya fatamalidi bena haba ai lisidi sa husai fafuyo ya itadi, nuwana ya talu.
28Be Iyakobo iyen, Matabahim E kawawananaha! Natugu Diyosepa hola ya mwahumwahuli. Matagu ma laulauna haba E lau E ita.
