15Yaubada Nowa ya faliba iyen,
16Ma lahum, nanatumiu yo afa lalahudi ai waga au kalamahano.
17Suisui, ataiꞌa, yo suisui kamokomadaladi mahudoꞌidi au lawedi ganamuli. Haba sa talu fafanatu be tanoꞌubu mahudoꞌina sa famohafu.
18Yo fede Nowa ma lahuna yo nanatuna ma lalahudi waga sa lau afulen, na sa tulubeꞌu.
19Suisui, ataiꞌa yo suisui kamokamodaladi mahudoꞌidi waga sa lau afulen, na sa tulubeꞌu hinaga.
20Habahim Nowa antalasam katakatanna ya ginauli, na suisui yo ataiꞌa anꞌandi ya abidi be ya gabudi. Ena antalasam ya lau Yaubada lisina.
21Guyau Antalasam panena loholohona ya atahi, na nuwana yai iyen, Dodoga ma kikiꞌinadi ya laoma ee–, sa lalaꞌi edi nuwatuhu mate, heyaya haba sa ginaginauli. In moho tanohi ibege ya kaumananaen fuyoi. Ginauli mwahumwahulidi haꞌa E ginaulidi, ibege ya faheyaya fuyoꞌidi.
22Uma fuyana yo falolo fuyana, gogoma yo gigibwali, haiꞌin yo haibeꞌu, lahai yo iꞌipa, ibege ti ofi, yo tanoꞌubu ya miya esegahi, ya lau ee–, fuya hige ana siga.
