1 BƐKPÀÀTÌBƐ̀ 22:44-52

⁴⁴Yɛtɔ̀rɛ̀ yɛɛ̀ mɑ́ɑ̀ do kpɑɑ́ kɛ̀ bɛnìtìbɛ̀ feu iwũɔ̃ kɛ tuɔ̀nnɛ̀ tihúúntì.

⁴⁵Sosɑfɑti nɛ̀ Isidɑyɛɛribɛ kóo kpɑ̀ɑ̀tì kɛ̀ bɛ̀ɛ nɑrikɛ.

⁴⁶Sosɑfɑti kó mɛborimɛ tɛ̃mɛ̀, ò do mɔkɛ dìì kɔ̃m̀bùɔ̀ nɛ̀ ò dokɛ́ mùù doò. Dɛ̀ wɑ̃̀rimu Sudɑɑ kpɑ̀ɑ̀tìbɛ̀ dɔɔ̀rìmɛ̀ pɑ́tíri miɛkɛ.

⁴⁷Bɛnitipòbɛ̀ bɛ̀ɛ̀ dɔuti dɔutinɛ̀ bɛnitidɑɑbɛ̀ bɛ̀ɛ̀ do sùɔ́ nho cicɛ Asɑɑ kó dimɔ̀nnì, kòo bɛ̀ dènnɛ o ɛì.

⁴⁸Okpɑ̀ɑ̀tì do í bo Edɔmmu.

⁴⁹Kɛ̀ Sosɑfɑtii dɔɔ̀ bɑ̀tóòbɛ̀ diɛbɛ̀ tɛpíítɛ̀ Esiyonni-Kebɛɛ kɛ̀ bɛ̀ bo nkɔrì Ofii kɛ wɑɑ̀nní mɛsɔɔ. Dɛ kóo bɑ̀tóòbɛ̀ mɛ nyí nnɑ kɛ bo kɔtɛ, kɛ̀ bɛ̀ɛ puɔ Esiyonni-Kebɛɛ.

⁵⁰Dɛ mɔ̀nnì kɛ̀ Akɑbu birɛ Aɑsiɑ nɑ́kɛ́ Sosɑfɑti kɛ dɔ̀: Yóu kɛ̀ n kó bɛtɔ̃mbɛ̀ɛ nɛinɛ̀ ɑ kɔbɛ kóo bɑ̀tóòbɛ̀, kɛ̀ Sosɑfɑtii yetɛ.

⁵¹Mɛm̀mɛ kɛ̀ Sosɑfɑtii kú kɛ̀ bɛ̀ɛ ò kũnnɛ́ o yɑ̀ɑ̀rì Dɑfiti ɛì. Kɛ̀ Yodɑmmuu sɔɔtɛ́ o kpɑ̀tì.

⁵²Kɛ̀ Akɑbu birɛ Aɑsiɑ nɑɑ́ nyIsidɑyɛɛribɛ kóo kpɑ̀ɑ̀tì kɛ́mbo Sɑmmɑrii. Sudɑɑ kɔbɛ kóo kpɑ̀ɑ̀tì Sosɑfɑti kpɑ̀tì benni tɛpíítɛ̀ nɛ̀ diyiénnì ndi ò do nɑɑ́mmɛ̀ okpɑ̀ɑ̀tì, kɛ́ntɔ tikpɑ̀tì kɛ dɔ̀ yɛbie nyɛ̀dɛ́ɛ̀,