Text copied!
CopyCompare
परमप्रभु यावे आ लोव़ - भजन संग्रह - भजन संग्रह 44

भजन संग्रह 44:1-25

Help us?
Click on verse(s) to share them!
1कुम्‍सो पपाइक्‍ब कली सेल्‍शो शेंतीक कुम्‍सो। कोराह आ तौ आन कुम्‍सो। परमप्रभु, साइ आंइ किकी पिपीमी आन पालामी पशो इन गेय नेल्‍ल आंइ कली शेंताक्‍म। मिनु गो मेको नेल्‍ल नेंतक। ब्‍यवस्‍था ६:२०-२५
2गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।
3मेको आन तरवारम मेको रागी मग्राशो बाक्‍तेक्‍म। आन सक्तिमी यो मग्राशो बाक्‍तेक्‍म। इन सक्ति नु इन कुल ङा छेङछेङमी ग्रातेक्‍म। मारदे हना गे मेको आन कली दाक्‍शो बाक्‍ती‍नी।
4गे आं पिप नु आं परमप्रभु बाक्‍नीनी। याकूब कली ग्रापतीन।
5इन पतीकेमी आंइ जोरी सत्रु आन कली ग्रानीकी। इन नेंमी आंइ जोरी सत्रु आन कली दिम्‍शा साइक्‍नीकी।
6गो आं लिब्राम ग्राती, मदेंनुङ। मिनु आं तरवारम यो आं कली ग्रापाइक्‍ने मचाप्‍ब।
7तन्‍न गे आंइ कली आंइ जोरी सत्रु आन क्‍येङा ग्रापाइक्‍तीनी। मिनु आंइ कली काइ मदाक्‍ब आन कली वाम ग्‍याम सेल्‍तीनी।
8गोपुकीमी नाक्‍त किंत किंत परमप्रभु कली मिम्‍शा, आंइ नें बोरपाइक्‍नीकी। मिनु गोपुकीमी गेना हना यो “इन नें ठेयब बाक्‍ब” दे ठेयब सेल्‍नीकी। ठेयब सेंदा पा।येरमीया ८:२२-२३
9तन्‍न गे आंइ कली प्रोंइशा, श्‍येत जपाइक्‍तीनी। मिनु गे आंइ लडाइ पाइब नु मलनी।
10मिनु गे आंइ कली आंइ जोरी सत्रु आन क्‍येङा ब्रुपाइक्‍तीनी। मिनु आंइ कली मदाक्‍बपुकीमी आंइ मार मार रोइश्‍शा लाइक्‍तेक्‍म।
11गे आंइ कली क्‍योरचा पुंइसीब भेडा खोदेंशो पा प्रोंइतीनी। मिनु आंइ कली रागी रागीम ब्रपाइक्‍तीनी।
12गे इन मुर आन कली मोशा लेयतीनी। मिनु मेको आन कली लेयशा, मारेइ ताक्‍चा थुं मपनी।
13आंइ नेक्‍था ङा मुर आन ङोंइती आंइ कली गाइश्‍शा, शुक्‍शी पाइक्‍चा पुंइसीब सेल्‍तीनी। गे मुर आन कली आंइ पर्बम तोक्‍शो नु मरिम्‍शो लोव़ पपाइक्‍तीनी। १कोरिन्‍थी १५:३१; रोमी ८:३६; भजन संग्रह ७९:४; १राजा ९:७
14गे आंइ कली रागी रागी ङा मुर आन दातेम शुक्‍शी पाइक्‍चा पुंइसीब सेल्‍तीनी। मुरपुकीमी आंइ कली तशा, आन पिया हिम्‍नीम।
15गो नाक्‍त किंत किंत मुने दोक्‍नुङ। आं मुनेमी आं कुल सुम्‍सीशो बाक्‍नुङ।
16आं कली शुक्‍शी पाइब, मरिम्‍शो लोव़ पाइब, जोरी सत्रुमी पतीके नु क्‍येक्‍क लेप्‍ब आन पतीके मोदेंशो दुम्‍शो बाक्‍नुङ।
17मोदेंशो दुम्‍त हना यो, गो इन कली मप्रेंदक। मिनु इन कबल यो मप्रोंइक।
18गो नोले मशोंइसक। इन लां रे ग्‍येत्‍थ लुक्‍च मपक।
19तन्‍न गे आंइ कली फस पोक्‍शा, सिवार आन बाक्‍तीक खोदेंशो पा छिङछिङमी सुम्‍तीनी।
20गो आंइ परमप्रभु आ नें प्रेंशो नकी नु अरु देवी देवता आन कली पूजा पशो नकी हना,
21मार, परमप्रभुमी मतुइक्‍बा ङा? मारदे हना परमप्रभुमी मुर आन थुं ङा ख्रुइश्‍शो नेल्‍ल तुइक्‍ब।
22मो हना यो गो इन पर्बम नाक्‍त रे साइक्‍चा पुंइसीनीकी। मिनु क्‍योरचा चिक्‍शो भेडा खोदेंशो पा हिक्‍सीशो बाक्‍नीकी। १कोरिन्‍थी १५:३१; रोमी ८:३६
23बोक्‍कीन, परमप्रभु, गे मारदे इप्‍नीनी? सेंसीने। आंइ कली मो पा मप्रोनीने।
24गे मारदे इन कुल ख्रुइक्‍नीनी? मिनु आंइ श्‍येत नु आंइ कली दिप्‍शो प्रेंनीनी?
25आंइ थुं लुक्‍च लशो बाक्‍ब। आंइ रां खपीम गोल्‍शो बाक्‍ब।

Read भजन संग्रह 44भजन संग्रह 44
Compare भजन संग्रह 44:1-25भजन संग्रह 44:1-25