1कुम्सो पपाइक्ब कली तार पाइश्शो ताप्तीके ताप्शा पतीक दाऊद आ कुम्सो। गो इन कली लोव़ पङानु, आं कली लोव़ लेत्तीने। गे आं कली ठीक सेल्ब परमप्रभु बाक्नीनी। गो श्येत जङानु, आं कली बाक्तीक गेतीनी। गे आं कली शिशी पने। आं पुंइशो नेंशा गेयीनी।
2गे मुरपुकी, गेना सम्म आं कली मान मपाइनीनी? गेना सम्म गेपुकी जाम्शा लाइब थोव़क दाक्नीनी नु जोल पाइनीनी? ठेयब सेंदा पा।
3परमप्रभु यावेमी आ कली टीब आन कली आ नेक्था वोइक्चा कली योव़शो बाक्त, दे तुइक्तीन। मिनु परमप्रभु यावेमी आं पुंइशो लोव़ नेंब।
4गेपुकी गाइश्शा, पाप मपने। इन ब्राख्येम इप्शा, इन थुं नु लोव़ पने। मिनु सिक्सी पा बाक्कीन। ठेयब सेंदा पा।एफिसी ४:२६
5मिनु परमप्रभु यावे कली ठीक पतीक चढ़ेने। आ देंशो लोव़ थमा सुइश्शा पने। भजन संग्रह ५१:१९,२१; १पत्रुस २:५
6शुश मुरुमी “सुमी आंइ कली रिम्शो बाक्चा गेबा” दे हिल्लो पाइनीम। परमप्रभु यावे, इन कुल ङा छेङछेङ आंइ तार ब्रपतीन। गन्ती ६:२५
7मेकोपुकी नु अन्न नु अङगुर रस शुश बाक्त हना यो, गे आं कली मेको आन क्येङा ग्येरपाइक्तीनी।
8गो हेम पा बाक्शा, इप्शा निन्द्रा पाइनुङ। मारदे हना परमप्रभु यावे, गे आं कली श्येत मजपाइक्थु, बाक्चा गेनीनी। भजन संग्रह ३:६
