1परमप्रभु यावे कली ठेयब सेलो। आं थुं, परमप्रभु यावे कली ठेयब सेलो।
2गो ब्रोंइङा सम्म परमप्रभु यावे कली ठेयब सेल्नुङ। गो मबेक्ङा सम्म आं परमप्रभु कली कुम्सो पा ठेयब सेल्नुङ।
3गे रागी ङा सासन पाइब मुर आन कली थमा मसुतीन। मारदे हना मेकोपुकीमी अरु आन कली वारच पने मचाप्नीम। भजन संग्रह ११८:८-९; येरमीया १७:५
4मेको आन सोक्त लाइब। मिनु मेकोपुकी खप दुम्नीम। मेना मेको आन मिम्शा पशो नेल्ल जाम्शा लाइब। उत्पत्ती ३:१९; उपदेसक ३:२०
5याकूब आ परमप्रभुम वारच पाइक्चा पुंइसीब मुर, ग्येरसीशो बाक्नीम। मेकोपुकीमी परमप्रभु यावे, आन परमप्रभु आ लां कोव़शो बाक्नीम। येरमीया १७:७
6मेको सरीङ नु रागी समुन्द्र नु मेकेर बाक्ब आन कली सेल्ब बाक्ब। मेकोमी आ देंशो गेना हना यो पाइब।
7मेकोमी दिप्चा पुंइसीब आन कली ठीक निसाफ पाइब। शोव़लु बेक्शो आन कली जचा गेब। परमप्रभु यावेमी चोक्चा पुंइसीशो आन कली प्रोंइब।
8परमप्रभु यावेमी मिक्च मताइब आन कली ताइब सेल्ब। मिनु आन थुं लुक्च लशो मुर आन कली आन थुं बारपाइक्ब। परमप्रभु यावेमी ठीक पाइब आन कली दाक्ब। भजन संग्रह १४५:१४
9मिनु परमप्रभु यावेमी अर्को रागी ङा मुर आन कली कोव़ब। मेकोमी वोंइश बेक्शो मीश मुर नु रोम रोइक्च आन कली यो कोव़ब। तन्न आ अरेशो मटीब आन मिम्शो दुम्चा मगेब। प्रस्थान २२:२०-२१
10परमप्रभु यावेमी गेना हना यो सासन पाइब। सियोन, इ परमप्रभुमी पाला पाला सम्म सासन पाइब। परमप्रभु यावे कली ठेयब सेलीन। भजन संग्रह ९३:१
