1कुम्सो पपाइक्ब कली दाऊद आ कुम्सो। परमप्रभु यावे, आं कली गेना सम्म प्रेंनीनी? गेना सम्म इन कुल ख्रुइक्नीनी? भजन संग्रह ७७:८; हाबाकुक १:२
2गो गेना सम्म सुर्ता पा, नाक्त किंत किंत आं थुं खाइश्शा बाक्चा माल्नुङा? आं जोरी सत्रु गेना सम्म आं क्येङा बोल्यो बाक्नीमी?
3परमप्रभु यावे, आं परमप्रभु, आं कली मिम्शा, आं लोव़ लेत्तीनी। आ बोल लेंशा गेयीनी। मो मपाइतीनी हना, गो बेक्नुङ।
4मोदेंशो दुम्मेनु, आं जोरी सत्रुम “गो मेको कली ग्रानीकी” दे आं कली हिम्सीशो तशा, ग्येरसीनीम।
5तन्न गो “गे गेना हना यो दाक्ब बाक्नीनी” दे थमा सुइक्नुङ। इन वारच पा प्रोंइतीके तशा, आं थुं ग्येरना ग्येरन बाक्ब।
6परमप्रभु यावेमी आं कली रिम्शो वारच पाइक्ती। गो मेको कली कुम्सो पाइनुङ।
