1दाऊदमी बेन्यामीन थर ङा कूश माइश्शो मुर रे श्येत जशा, परमप्रभु यावे आ ङोंइती पशो कुम्सो। परमप्रभु यावे, आं परमप्रभु, गो इन कली जिम्मा गेंसीनुङ। मिनु खेदा पाइब नेल्ल आन गुइ रे आं कली प्रोंइयीनी।
2गे आं कली मप्रोंइतीनी हना, मेकोपुकीमी आं कली गुप्सम खोदेंशो पा दिप्शा ब्वाइनीम। मिनु सुइमी आं कली मेको आन गुइ रे प्रोंइने मचाप्नीम।
3परमप्रभु यावे, आं परमप्रभु, मेको आन देंशो खोदेंशो पा, गो आं गुइमी मरिम्शो पाता हना, अय्युब ३१:७-३४
4गो गे नु दुशा बाक्ब आन कली श्येत गेता हना, आं कली बित्चीम श्येत गेमेनु, गो क्येक्क लेत्ताक्ङमी हना,
5आं जोरी सत्रुम आं कली खेदा पा ग्रामल। मिनु आं कली खपीम दिप्शा साइय्यीमील। मिनु आं नें जाम्शा लल। ठेयब सेंदा पा।
6परमप्रभु यावे, गे गाइश्शा, बोक्कीन। आं जोरी सत्रु आन पशो तशा, आं कली वारच पथ बोक्कीन। गे “गो निसाफ पचा माल्नुङ” दे लोव़ पाइतीनी।
7मिनु रागी रागी ङा मुरपुकी इन ङोंइती राप्नीम। मोपतीके इर ङा इन बाक्तीकेम मेको आन कली निसाफ पचा कली इन ठेयब नित्तीकेमी निस्सीन।
8परमप्रभु यावे जात जात ङा मुर आन कली निसाफ पाइब बाक्ब। परमप्रभु यावे, आं ठीक पशो नु आं आगाम बाक्शो ठीक पाइब थुं तशा, आं कली निसाफ पने। भजन संग्रह १८:२१-२७
9इन अरेशो मटीब आन मरिम्शो पतीके थुम्पतीन। मिनु नोले गे ठीक पाइब आन कली बोल्यो सेलीन। ठीक पाइब परमप्रभु, गे मुर आन थुं नु आन पतीके नाक्ब बाक्नीनी। भजन संग्रह १०४:३५; भजन संग्रह १३९:१; येरमीया ११:२०; प्रकाश २:२३
10परमप्रभु आं तेक्तीके बाक्ब। मेकोमी रिम्शो थुं पाइश्शो आन कली श्येत रे प्रोंइब।
11परमप्रभु ठीक निसाफ पाइब बाक्ब। नाक्त किंत किंत मेको पापी आन कली तशा गाइक्ब।
12थमा पा आ जोरी सत्रुम आन तरवार शेप्नीम। आन लिब्रा कीशा आप्चा कली ठीक पाइनीम। ब्यवस्था ३२:४१
13मिनु आन साइक्तीक या आंम कली ठीक पशो बाक्नीम। आन ब्राम मी ब्रपाइश्शो बाक्नीम।
14नेनीन, मेकोमी मरिम्शो ला मिम्नीम। मिनु श्येतम ब्रीशा, जोल पना पन बाक्नीम।
15मेकोपुकीमी बिक्तीक दोइनीम। मिनु नोले आंम आन दोशो बिक्तीकेमी आंमा बिक्नीम। हितोपदेस २६:२७
16मुर आन कली गेचशो श्येत आंमान जाइनीम। मेको आन हुश ख्राक्श पोक्शो आंम आन पियामीन मोंइसीब।
17गो परमप्रभु यावे आ ठीक पशो तशा, मेको कली “गे रिम्शो पाइब बाक्नीनी” दे कुम्सो पाइनुङ। गो परमप्रभु यावे, नेल्ल क्येङा ठेयब आ नें आ पर्बम कुम्सो पाइनुङ।
