1परमप्रभु यावे कली ठेयब सेलीन। परमप्रभु यावे कली नक कुम्सो का पने। थमा सुइक्ब आन ग्रुम्तीकेमी मेको कली ठेयब सेलीन। भजन संग्रह ३३:३
2इस्राएल आ कली सेल्ब आ पर्बम ग्येरसेक्ल। सियोन ङा मुर आन पिप आ पर्बम ग्येरसमल। भजन संग्रह १००:३; भजन संग्रह ९३:१
3मेकोपुकीमी सिल पना पन मेको आ नें ठेयब सेल्मेक्ल। खैजडी नु बीना ताप्शा, मेको कली कुम्सो पामेक्ल।
4मारदे हना परमप्रभु यावे आ मुर आन पर्बम ग्येरसीशो बाक्ब। आइक्च मुर आन कली ग्रातीकेमी ग्योम्ब।
5थमा सुइक्बपुकी शुश ग्येरसमल। मिनु आन ब्राख्येमी यो ग्येरशा कुम्सो पामेक्ल।
6मेकोपुकीमी परमप्रभु कली ठेयब सेल्तीक कुम्सो पामेक्ल। मेको आन गुइमी निम्फा गे क्योरतीक पाइश्शो तरवार बाक्ल।
7मेकोपुकीमी रागी रागी ङा मुर आन कली सजाइ गेशा, क्येक्क लेत्नीम।
8मिनु मेको आन पिप आन कली साङलो नु मेको आन ठेयब मुर आन कली फलाम के फ्रेंतीकेम फ्रेंने चाप्नीम।
9मिनु मेकोपुकीमी ब्रेक्शा अरेशो कोव़शा, मेको आन कली निसाफ पाइनीम। मेको परमप्रभु आ मुर आन रिम्शो बाक्ब। परमप्रभु यावे कली ठेयब सेलीन। यसैया ३४:-; यसैया ६३:४-६; योएल ४:२-२४
