1कुम्सो पपाइक्ब कली दाऊद आ कुम्सो। परमप्रभु यावे, इन सक्ति तशा, पिप ग्येरसाक्व। इन प्रोंइतीकेमी मेको शुश ग्येरसाक्व।
2गे आ थुं ङा दाक्शो गेतीनी। आ पुंइशो “मगेनुङ” मदेंनी। ठेयब सेंदा पा।भजन संग्रह २०:५; भजन संग्रह ३७:४
3गे मेको कली आसीक गेशा, रिम्शो पाइक्तीनी। मिनु आ पियाम क्येख सुन के सिरपेच गुप्ताक्नी।
4मेकोमी “ब्रोंइचा गेयी” दे इन कली पुंइतु। मिनु गे मेको कली गेना हना यो ब्रोंइशा, बाक्चा गेतीनी। भजन संग्रह ६१:७
5इन प्रोंइतीकेमी आ दारस ठेयब दुम्त। शोंप नु मान ततीके मेको तारी वोइक्तीनी।
6गे मेको कली गेना हना यो आसीक राइब सेल्शा, इन ङोंइती ग्येरपाइक्तीनी।
7मारदे हना पिपमी परमप्रभु यावे कली थमा सुइश्शा, नेल्ल क्येङा ठेयब आ गेना हना यो दाक्तीकेमी पोक्च थेक्शा बाक्ब।
8गे इन गुइमी इन जोरी सत्रु नेल्ल आन कली माल्शा ग्याइक्नीनी। इन कली काइ मदाक्ब आन कली इन ग्युरा गुइमी साइक्नीनी।
9इन जाक्ची ना मेको आन कली ठेयब चुप्लुम हुम्शो खोदेंशो पा हुम्नीनी। परमप्रभु यावे, गे चुरशा, मेको आन कली दाक्शो खोदेंशो पा मीम दाक्पाइक्नीनी।
10मेको आन चच युइ आन कली रागी रे क्याम्नीनी। आन आल आन कली मुर आन दाते रे क्याम्नीनी।
11मेकोपुकीमी इन कली मरिम्शो पचा, दे मिम्शो बाक्तेक्म हना यो, आन मिम्शो पने मचाप्नीम। यसैया ८:१०
12गे मेको आन कली प्रोक्पाइश्शा, आन कुलम ख्रपाइक्चा कली लिब्रा कीनीनी।
13परमप्रभु यावे, इन सक्तिम बोक्नीनी। गोपुकीमी कुम्सो पशा, इन सक्ति ठेयब बाक्ब, दे इन कली ठेयब सेल्नीकी।
