1कुम्सो पपाइक्ब कली कोराह आ तौ आन कुम्सो। जात जात ङा मुर नेल्ले, नेनीन।
2ठेयब नु आइक्च, क्येट थीब नु प्रुङग नेल्लेमी नोफा दाइश्शा, नेनीन।
3मिनु गो जोक्शा तुइश्शा लोव़ पाइनुङ। आं थुंमी मिम्शा पशो लोव़मी मुर आन कली रुप्ब सेल्ब।
4गो अर्ती ङा लोव़ का नेंता। गो ठेयब ताप्तीके ताप्शा, आं लोव़ रुप्पाइक्नुङ।
5मिनु श्येत जतीक नाक्ती जाक्मेनु, श्येत गेबपुकीमी आन ठीक मपशोमी आं एर ओंथ रे पुम्दीमीनु, गो मारदे हिंनुङा ङा?
6मेकोपुकीमी आन शुश क्येटीम थमा सुइक्नीमी। आन शुश क्येटीम ठेयब लेत्नीमी।
7सुइमी आंम लोक्ब कली क्येट थाप्शा, बेक्चा रे प्रोंइने मचाप्ब। मोपा मेकोमी परमप्रभु कली शुश क्येट थाप्शा आ गिंम प्रोंइने मचाप्ब। मीका ६:६-८; मत्ती १६:२६
8बेक्चा रे ब्रोंइतीक शुश ठेयब बाक्ब। मेको मुरुम गेनायो ग्याप्ने मचाप्नीम। मत्ती १६:२६
9गेना हना यो ब्रोंइशा बाक्ब, सुइ मबाक्नीम। मुर नेल्ले थिम्चा पुंइसीनीम।
10मिनु नेल्लेमी जोक्ब तुइक्ब मुर, मूर्ख नु मिम्तीक मपाइश्शो नेल्ल बेक्नीम, दे तुइश्शो बाक्नीम। मिनु आन शुश क्येट नेल्ल अरु आन कली प्रोंइशा लाइनीम। उपदेसक २:१६; उपदेसक ६:२
11मिनु आन तुरस गेना हना यो मेको आन खिं दुम्ब। मोदेंशो पाला नेल्ल आन कली दुम्ब। मिनु मेकोपुकीमी आन नें आन रू कली वोइश्शो बाक्तेक्म हना यो, मोदेंशो दुम्नीम।
12गिश क्येट थीब बाक्तेक्म हना यो, मुरपुकी मलीनीम। मेकोपुकी बेक्शा लाइब जन्तु खोदेंशो बाक्नीम। उपदेसक ३:१९
13आंम आन मिम्शो थमा सुइक्ब नु मेको आन लोव़ नेंशा, ग्येरसीब मेको आन नोले ङा मुर यो मोदेंशो दुम्नीम। ठेयब सेंदा पा।
14मेकोपुकी भेडा खोदेंशो पा बेक्चा कली बाक्नीम। बेक्पाइक्बमी मेको आन कली दाक्ब। सुनी कना रिम्शो थुं पाइश्शो मुरपुकीमी मेको आन कली हुकुम पाइनीम। मेको आन बाक्तीके रे ङोन दुम्शा, आन रां तुरसुम राक्शा लाइनीम।
15तन्न परमप्रभुमी आं कली तुरस रे प्रोंइब। मेकोमी थमा पा आ बाक्तीकेम लाइक्ब। ठेयब सेंदा पा।होसे १३:१४; भजन संग्रह ७३:२४
16मिनु गे शुश क्येट चेम्शा, आन खिं दारपाइक्ना पाइक्न बाक्ब मुर आन कली तशा, महिंनीन। अय्युब २१:७-१५
17मारदे हना मेको बेक्मानु, मारेइ मलाइक्नीम। मेको आन मार मार आन नोले खोइश्शा, मलाइनीम। उपदेसक ५:१४; १तिमोथी ६:७
18मिनु मेको ब्रोंइमा सम्म “गो आसीक ताइब नकी” देंनीम। मुरपुकीमी थीब मुर आन कली ठेयब सेल्नीम। १तिमोथी ६:७ लूका १२:१६-२१; लूका १६:१९-३१
19मो हना यो मेको बेक्शा, आन किकी पिपी आन बाक्तीके लाइनीम। मेकोपुकीमी गेनायो हाम्सो मताइनीम।
20मुर गिश क्येट थीब बाक्तेक्म हना यो, मेको बेक्शा लाइब बस्तु भाव खोदेंशो बाक्नीम।
