1लां ङा कुम्सो। गो श्येत जङानु, परमप्रभु यावे कली पुंइनुङ। मिनु मेकोमी आं लोव़ लेप्ब।
2परमप्रभु यावे, आं कली जोल पाइब नु लें निक्शी पाइश्शो मुर रे प्रोंइयीनी।
3मिनु गे जोल पाइब, इ कली मार पचा? गे लें निक्शी पाइश्शो मुर इ कली अरु मार पाइक्चा माल्बा?
4लडाइ पाइबमी आ हेश्शो ब्रा आप्ब। मिनु ब्रशो कोइला इ तार जुक्पाइक्नीम।
5गो श्येत जाइब दुम्ती। गो मेशेक रागीम बाक्चा माल्नुङ। केदार आ ताम्बु आन दातेम बाक्चा माल्नुङ।
6गो थुं नाइश्शा बाक्चा काइ मदाक्ब आन दातेमी शुश बाक्ती।
7गो थुं नाइश्शा बाक्चा दाक्ब मुर नङ। तन्न गो लोव़ पङानु, मेकोपुकी लडाइ पचा कली ठीक दुम्नीम। रोमी १२:१८
