1दाऊद आ कुम्सो। परमप्रभु यावे आं गोठला बाक्ब। आं माल्शो नेल्ल बाक्ब। उत्पत्ती ४८:१५; यसैया ४०:११; यूहन्ना १०:११-३०
2आं कली रिम्शो घांस बाक्तीकेम इप्पाइक्ब। ब्रोव़शो ब्वाक्कु आ नेक्था चाक्दीप्ब। इजीकीएल ३४:१३-१४; प्रकाश ७:१७
3मेकोमी आं थुं बारपाइक्ब। आं कली आंम आ नें आ पर्बम ठीक लां कोंइब।
4मिनु गो बेक्चा ङा बेंसीम गाक्ती हना यो, महिंनुङ। मारदे हना गे गो नु बाक्नीनी। इन कोक्के तशा आं थुं नाइश्शा ग्येरनुङ। भजन संग्रह ४६:३
5गे आं कली आं जोरी सत्रु आन ङोंइती थुल्नीनी। आं पिया तार तेल लुक्नीनी। आं कचौरा क्युप्चा ङा पा प्रिंताक्नी। भजन संग्रह ३६:९
6थमा पा गो मबेक्ङा सम्म परमप्रभु आ रिम्शो पतीके नु आ दाक्तीके गो नु बाक्ब। मिनु गो गेना हना यो परमप्रभु यावे आ खिंम बाक्नुङ। भजन संग्रह ८४:५
