1कुम्सो पपाइक्ब कली दाऊद आ कुम्सो। गो परमप्रभु यावे कली जिम्मा गेसाक्यी। गेपुकीम आं कली “चिक्ब खोदेंशो पा पहाडम बेरो” दे दोपा देंने चाप्नीनी?
2नेनीन, इन अरेशो मटीबपुकीमी आन लिब्रा कीशा, आन ब्रा डोरीम वोइश्शा, ठीक पाइब रिम्शो थुं पाइश्शो मुर आन कली ख्रुइश्शा आप्नीम।
3जगन ब्रेत्त हना, ठीक पाइबम मार पने चाप्बा ङा?
4परमप्रभु यावे आ खिंमी बाक्ब। आ ठेयब नित्तीके स्वर्गम बाक्ब। मिनु उइ कोव़ना कोव़न मुर आन कली नाक्ब। हाबाकुक २:२०; यसैया ६६:१; भजन संग्रह ३३:१३-१४
5परमप्रभु यावेमी ठीक पाइब नु आ अरेशो मटीब आन कली नाक्ब। मिनु हुश ख्राक्श पोक्चा दाक्ब आन कली काइ मदाक्ब।
6परमप्रभुमी आ अरेशो मटीब आन तारी मी नु गन्धक यिपाइक्ब। मिनु मेको आन तारी होश फश पपाइक्ब। मरिम्शो पाइब मोदेंशो पाइक्चा पुंइसीशो बाक्नीम।
7परमप्रभु यावे ठीक पाइब बाक्ब। मोपतीके ठीक पतीके दाक्ब। मिनु रिम्शो थुं पाइश्शो मुरपुकीमी आ कुल ताइनीम। मत्ती ५:८
