1परमप्रभु यावे आ खिं सेल्ने नुम्मेनु पतीक, दाऊद आ कुम्सो। परमप्रभु यावे, गो इन कली मान पाइनुङ। मारदे हना गे आं कली उइ रे ग्येत्थ पोक्तीनी। मिनु आं जोरी सत्रु आन कली आं पर्बम ग्येरचा मगेनी।
2परमप्रभु यावे, आं परमप्रभु, इन कली “वारच पाइय्यीनी” दे ब्रेङङानु, गे आं कली सापाइक्तीनी।
3परमप्रभु यावे, गे आं कली बेक्शो मुर आन बाक्तीक रे ग्रुंइताक्यीनी। बेक्शो मुर आन दातेमी आं कली ब्रोंइतीक सोक्त गेशा, प्रोंइतीनी। भजन संग्रह ११६:३,४, ७-९
4परमप्रभु यावे कली टीबपुकी, मेको कली कुम्सो पने। मिनु आ नें ठेयब सेलीन।
5मारदे हना आ गाइक्तीक इच्का ला बाक्ब। तन्न आ शिशी पतीके ब्रोंइशो सम्म लीब। मुर नाक्दो रे ङाक्चा माल्ताक्व हना यो, सुनी ग्येरपाइक्चा पुंइसीब। यसैया ५४:७-८
6गो थुं नाइश्शा बाक्ङानु “गो गेनायो महिम्सीनुङ” देंती।
7परमप्रभु यावे गेमी शिशी पा आं डांडा बोल्यो सेल्तीनी। मिनु नोले इन कुल ख्रुइक्तीनीनु, गो हिंती।
8परमप्रभु यावे, गो इन कली पुंइता। गो इन कली ब्रेत्ती।
9गो बेक्ङानु, इन कली मार रिम्शो दुम्बा ङा? फुरकुमी इन कली ठेयब सेल्बा ङा? मार, इन दाक्शा गेनायो मप्रोंइतीक आ पर्बम शेंबा ङा? भजन संग्रह ६:६
10परमप्रभु यावे, आं लोव़ नेनीन। आं कली शिशी पाइय्यीनी। आं कली वारच पाइब दुमीन।
11गो रोंका पाइब मुर, सिल पाइब दुम्ती। आं रोंका पतीक अरन्डी प्रुइश्शा, ग्येरतीक किप्शुर खोदेंशो पा किप्ताक्यीनी।
12गो सिक्सी पा मबाक्थु, इन पर्बम कुम्सो पाइनुङ। परमप्रभु यावे, गेना हना यो बाक्ब आं परमप्रभु, गो इन कली ठेयब सेल्नुङ।
