Text copied!
CopyCompare
परमप्रभु यावे आ लोव़ - भजन संग्रह

भजन संग्रह 111

Help us?
Click on verse(s) to share them!
1परमप्रभु यावे कली ठेयब सेलीन। गो रिम्‍शो थुं पाइश्‍शो मुर आन दातेमी आं थुं नेल्‍लेमी “परमप्रभु, गे रिम्‍शो पाइब बाक्‍नीनी” दे ग्रुम्‍तीकेम देंनुङ।
2परमप्रभु यावे आ गेय थम ठेयब बाक्‍नीम। सु सुम मेको कली दाक्‍नीमी, मेकोपुकीमी मेको शेंसीनीम।
3मेको आ गेय ठेयब नु मान पाइक्‍चा पुंइसीब बाक्‍नीम। मिनु परमप्रभु आ ठीक पतीके गेना हना यो लीब।
4मेकोमी आ छक लाक्‍चा ङा गेय मिम्‍पाइश्‍शो बाक्‍ब। परमप्रभु यावे दाक्‍ब नु शिशी पाइब बाक्‍ब। प्रस्‍थान १२:१-२२
5मेकोमी आ कली मान पा हिंब आन कली जचा गेब। मिनु आ पशो कबल गेना हना यो मिम्‍ब। भजन संग्रह १४५:१५
6मेकोमी आ मुर आन कली रागी रागी ङा मुर आन शोंप गेशा, आ सक्ति कोंइशो बाक्‍ब।
7मेको आ गेय नेल्‍ल आ देंशो खोदेंशो नु ठीक बाक्‍नीम। आ अरेशा ब्रेक्‍शो लोव़ नेल्‍ल थमा सुइक्‍चा माल्‍शो बाक्‍नीम।
8मेको गेना हना यो लीब बाक्‍नीम। मुरपुकीमी मेको मप्रोंइथु, आन थुं नेल्‍लेमी टिचा माल्‍नीम।
9मेकोमी आ मुर आन कली श्‍येत रे प्रोंइतु। मेकोमी आ पशो कबल गेनायो मक्‍याम्‍चा कली सेल्‍शो बाक्‍त। मेको आ नें का ला मान पा हिंचा ङा बाक्‍ब।
10परमप्रभु यावे कली मान पा हिंचा तुइक्‍ब दुम्‍चा कली गोतीक बाक्‍ब। मिनु सु सुमी मेको पाइनीमी मेको शुश रुप्‍ब दुम्‍नीम। परमप्रभु कली ठेयब सेल्‍तीके गेना हना यो लीब। हितोपदेस १:७