1कुम्सो पपाइक्ब कली खतम मसेलो देंशो कुम्सो आ लायो। आसाफ आ कुम्सो। परमप्रभु, गो इन कली “गे आंइ कली रिम्शो पाइतीनी” देंनीकी। मारदे हना इन नें आ पर्बम नेंशो बाक्नीकी। मुरपुकीमी इन छक लाक्चा ङा गेय आ पर्बम लोव़ पना पन बाक्नीम। यसैया ४६:१३
2गे “गो आं देंशो नाक्ती गो ठीक निसाफ पाइब नङ।
3रागी रागीम ख्रिनु कुमेनु, मुर नेल्ले ख्रिंख्रि पाइनीम। तन्न रागी ङा जग वोइक्ब गो नङ” देंतीनी। ठेयब सेंदा पा।
4गे ठेयब लेश्शो आन कली “ठेयब लेश्शो मदुमीन” देंशा, इन अरेशो मटीब आन कली “मबोरीन” देंतीनी।
5गे “स्वर्ग आ पर्बम ठेयब लोव़ मपने। मिनु इन शुर किरशा लोव़ मपने” देंतीनी।
6पूर्ब, पच्छिम नु गोरशो रागी तेइ रे सुइमी मुर आन कली ठेयब सेल्ने मचाप्नीम।
7तन्न परमप्रभुमी मुर आन कली निसाफ पाइब। मेकोमी का निक्शी आन कली दिप्ब, का निक्शी आन कली क्युक्ब। १सामुएल २:७
8परमप्रभु यावे आ गुइमी बोटको का बाक्ब। मेकेर मार मार सुप्शो बोग्यो बोक्शो अङगुर शांबु बाक्ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्नीम। भजन संग्रह ६०:५; येरमीया २५:१५-१६
9तन्न गो चहिं मुर आन दातेमी शुश ग्येरसीशो लोव़ पाइनुङ। गो याकूब आ परमप्रभु कली ठेयब सेल्शा, कुम्सो पाइनुङ।
10गे इन अरेशो मटीब नेल्ल आन कली आइक्च सेल्नीनी। तन्न ठीक पाइबपुकी ठेयब सेल्चा पुंइसीनीम।
