3परमप्रभु यावे कली ठेयब सेलीन। मारदे हना परमप्रभु यावे रिम्शो पाइब बाक्ब। मेको कली कुम्सो पने। मारदे हना मेको रिम्शो बाक्ब।
4परमप्रभु यावेमी याकूब कली आ मुर दुम्पाइक्चा कली नु इस्राएल कली आंम के सेल्चा कली योव़शो बाक्ब। प्रस्थान १९:५-६
5परमप्रभु यावे थम ठेयब बाक्ब। मेको गो तुइक्नुङ। मिनु आंइ परमप्रभु देवी देवता नेल्ल आन क्येङा ठेयब बाक्ब। भजन संग्रह ८६:८
6परमप्रभु यावेमी सरीङ, रागी, समुन्द्र नु समुन्द्र आ आगामी मार दाक्बा, मेको पाइब।
7मेकोमी रागी आ सुर सुर रे गोस्स पोक्ब। मेकोमी चिला दाप्पाइश्शा, रेउ यिपाइक्ब। मिनु मेकोमी आ बाक्तीक रे फश पपाइक्ब। येरमीया १०:१३
8मेकोमी इजीप्त रागीमी मुर नु बी ब्यफ, क्यारश भेडा मारेइ मारेइ आन ङोंइती जरमेशा नेल्ल आन कली साइक्तीमी। प्रस्थान १२:२९
9मेकोमी इजीप्त रागीमी फाराओ नु आ गेय पाइब मुर नेल्ल आन ङोंइती चिन्ड नु छक लाक्चा ङा गेय कोंइताक्व। भजन संग्रह ७८:४२-५२
10मेकोमी शुश रागी आन कली खतम पोक्तीमी। मिनु मेकोमी बोल्यो पिप आन कली साइक्तीमी। गन्ती २१:२१-३५
11मेकोमी एमोरी आन पिप सीहोन, बाशान ङा पिप ओग नु कनान ङा पिप नेल्ल आन कली साइक्तीमी।
12मिनु मेकोमी मेको आन रागी आ मुर, इस्राएली आन कली आन के सेल्चा कली गेम्तीमी। यहोसु १२:१-६
13परमप्रभु यावे इन नें गेना हना यो बाक्ब। परमप्रभु यावे इन नें गेनायो मक्याम्सीब। भजन संग्रह १०२:१३
14मारदे हना परमप्रभु यावेमी आ मुर आन कली निसाफ पतीकेमी वारच पाइब। मिनु आ गेय पाइब आन कली शिशी पाइब। ब्यवस्था ३२:३६
15रागी रागी ङा मुर आन मूर्ति सुन नु चांदी के बाक्नीम। मेको नेल्ले मुर आन सेल्शो ला बाक्नीम। भजन संग्रह ११५:४-११
16मेको आन के शोव़ बाक्ब, तन्न मब्वाक्नीम। मिक्च बाक्ब, तन्न मताइनीम।
17नोफा बाक्ब, तन्न मनेंनीम। मेकोपुकीमी आन सोक्त कीने मचाप्नीम।
18मेको आन कली सेल्बपुकी यो मोदेंशो दुम्मल। मिनु मेको आन कली थमा सुइक्बपुकी यो मोदेंशोन दुम्मल।
19इस्राएल आ खिं ङा मुरपुकी, परमप्रभु यावे कली ठेयब सेलीन। हारून आ खिं ङा मुरपुकी परमप्रभु यावे कली ठेयब सेलीन।
20लेवी आ मुरपुकी, परमप्रभु यावे कली ठेयब सेलीन। परमप्रभु यावे कली मान पा हिंबपुकी, परमप्रभु यावे कली ठेयब सेलीन।
भजन संग्रह 135
भजन संग्रह 135:3-20