1دَوُدَ شَ بّيتِ بّيتِبَيٍ شَ مَنفّ بّ. عَ شَ بَ كْرَ لُوتِ سٌلٌمَسَشَن شُي رَ.
2عَلَتَلَ، عِ نَشَ ﭑ حَشَنكَتَ عِ شَ شْنّ كُي، عِ نَشَ ﭑ تْورْ عِ شَ بْحّ تٍ كُي.
3عَلَتَلَ، هِننّ ﭑ نَ، ﭑ بَرَ هَلَكِ. عَلَتَلَ، ﭑ نَيَلَن، ﭑ شْرِيٍ نَ سّرّنقٍ نّ يِ كِ.
4ﭑ نِي بِرِن نَ سّرّنقٍ تْورّ رَ. عَلَتَلَ، هَن تّمُي مُندُن قَ؟
5عَلَتَلَ، قَ ﭑ نِي رَكِسِ. ﭑ نَتَنفَ عِ شَ قٌنِسِرٍيَ شَ قٍ رَ.
6مِشِ مُ نْمَ رَتُدٍ عِ مَ فَبُرِ كُي. ندٍ نْمَ عِ تَنتُدٍ عَلِفِيَمَ؟
7ﭑ بَرَ تْورْ هَن ﭑ سّنبّ بِرِن بَرَ حْن. كْي يٌ كْي ﭑ وَ مَ، هَن ﭑ مَ سَدٍ بِرِن بُندَ ﭑ يَ يٍ رَ.
8سُننُنيِ بَرَ ﭑ يَ مَقْورْ. ﭑ مُ سٍسٍ تٌقٍ ﭑ يَشُييٍ شَ فبٌي شَ قٍ رَ.
9وٌ وٌ مَسِفَ ﭑ نَ، وٌ تَن تِنشِنتَرٍيٍ، بَرِ مَ ﭑ وَ شُي بَرَ عَلَتَلَ لِ.
10عَلَتَلَ بَرَ ﭑ مَ مَشَندِ مّ. عَلَتَلَ بَرَ ﭑ مَ دُبّ سُشُ.
11ﭑ يَشُييٍ بِرِن يَافِمَ نّ، هَن عٍ عٍ فِ.
