لُكِ 8:3-18

³عَ نُن يٌهَننَ، نَشَن نُ دْشْشِ هٍرٌدٍ شَ وَلِكّيٍ شُنيِ كُسَ شْن، عَ نُن سُسَننَ، عَ نُن مِشِ فبّتّ وُيَشِ. عٍ نُ عِسَ نُن عَ قْشِرَبِرّيٍ مَلِمَ عٍ يّتّ هَرِفٍ رَ.

⁴حَمَ فبٍفبٍ تٌ مَلَن عِسَ يِرٍ كٍلِقٍ تَا وُيَشِ، عَ نَشَ يِ تَالِ وْيّنيِ مَسٍن عٍ بّ،

⁵«شّ رَوَلِ ندٍ نَن مِنِ سَنسِ شْرِ فَرَنسَندٍ. عَ تٌ نُ سَنسِ شْرِ فَرَنسَنمَ، عَ شْرِ ندٍيٍ نَشَ بِرَ سَنكِرَ شْن، مِشِيٍ نَشَ نٍيٍ مَبٌرٌن، شْنِيٍ مَن قَ عٍ دٌن فبِكِ.

⁶سَنسِ شْرِ ندٍ قَن نَشَ بِرَ فّمّ يِرٍ. عَ تٌ بُلَ، عَ نَشَ رَفَن بَرِ مَ يٍ مُ نُ نَ عَ بّ.

⁷سَنسِ شْرِ ندٍيٍ قَن نَشَ بِرَ تُنبٍ كُنسِيٍ تَفِ. تُنبٍ كُنسِيٍ نَشَ فبٌ، عٍ سَنسِيٍ عِشّتّن، عٍ عٍ كَنَ.

⁸سَنسِ شْرِ ندٍ قَن نَشَ بِرَ بّندّ قَنيِ مَ. نَ شْرِ كٍرٍن كٍرٍن بِرِن سَنسِيٍ تٌ تٍ، عٍ نَشَ عٍ تْنسْي رَ مِنِ، شْرِ كّمّ كّمّ.» عِسَ تٌ فّ نَ وْيّنيِ رَ، عَ نَشَ عَ شُي عِتٍ، عَ عَ قَلَ، «شَ وٌ تُلِ قٍ مّمَ، وٌ وٌ تُلِ مَتِ يِ مَسٍنيِ رَ.»

⁹عِسَ قْشِرَبِرّيٍ تٌ عَ مَشْرِن عَ شَ نَ تَالِ يَ عِبَ عٍ بّ،

¹⁰عَ نَشَ عٍ يَابِ، «عَلَ بَرَ قَهَامُي قِ وٌ مَ وٌ شَ عَ شَ مَنفّيَ نِينِ فُندٌ كٌلٌن، كْنْ مِشِ فبّتّيٍ تَن عَ مّمَ تَالِ وْيّنيِيٍ نَن نَ، عَلَكٌ ‹عٍ شَ قٍ تٌ، كْنْ عٍ نَشَ عَ عِفبّ. عٍ شَ قٍ مّ، كْنْ عٍ نَشَ عَ قَهَامُ.›»

¹¹«نَ تَالِ وْيّنيِ يَ عِبَمَ يِ كِ نّ. سَنسِ شْرِ مِسَالِشِ عَلَ شَ مَسٍنيِ نَن نَ.

¹²سَنسِ شْرِ نَشٍيٍ بِرَ كِرَ شْن، نٍيٍ مِسَالِشِ مِشِيٍ نَن نَ نَشٍيٍ بَرَ عَلَ شَ مَسٍنيِ مّ، كْنْ عِبُلِسَ نَن قَمَ قَ، عَ عَ بَ عٍ بْحّ مَ، عَلَكٌ عٍ نَشَ قَ دَنشَنِيَ، عٍ كِسِ.

¹³سَنسِ شْرِ نَشٍيٍ بِرَ فّمّ يِرٍ، نٍيٍ مِسَالِشِ مِشِ نَن نَ نَشٍيٍ عَلَ شَ مَسٍنيِ مّمَ، عٍ عَ سُشُ سّيوّ رَ. كْنْ سَنكٍ تٌ مُ نَ عٍ بّ، عٍ شَ دَنشَنِيَ مُ بُمَ. مَرَتَنتَنيِ وَشَتِ نَ عَ لِ، عٍ مُ شَنمَ.

¹⁴سَنسِ شْرِ نَشٍيٍ بِرَ تُنبٍ كُنسِيٍ تَفِ، نٍيٍ مِسَالِشِ مِشِيٍ نَن نَ نَشٍيٍ عَلَ شَ مَسٍنيِ مّمَ، كْنْ كْنتْقِلِ، بَننَيَ، نُن يّتّ رَقَن قٍيٍ نَن عَ نِيَمَ عٍ مُ فّ عٍ بٌفِ رَ مِنِدٍ عَلَ بّ.

¹⁵سَنسِ شْرِ نَشٍيٍ بِرَ بّندّ قَنيِ تَن مَ، نٍيٍ مِسَالِشِ مِشِيٍ نَن نَ نَشٍيٍ عَلَ شَ مَسٍنيِ مّمَ، عٍ عَ رَفَتَ عٍ بْحّ قَنيِ مَ تِنشِنيِ كُي، عٍ عٍ بٌفِ رَ مِنِ عَلَ بّ تُننَبّشِيَ كُي.»

¹⁶«مِشِ يٌ مُ لَنثُي رَدّشّمَ، عَ مَن قَ قّحّ قٍلٍن عَ شُن نَ، شَ نَ مُ عَ رَ عَ عَ رَ سٌ سَدٍ بُنيِ. عَ عَ دْشْمَ لَنثُي دْشْسٍ نَن قَرِ عَلَكٌ نَشٍيٍ سٌمَ بَنشِ، عٍ شَ عَ تّ دّشّ تٌ.

¹⁷قٍ نْشُنشِ بِرِن قَمَ كٌلٌندٍ. فُندٌ بِرِن مَكّنّنمَ نّ.

¹⁸نَ نَ عَ رَ، وٌ لَن وٌ شَ وٌ تُلِ مَتِ عَ قَنيِ رَ. قَهَامُي كَنيِ شَ قَهَامُي شُن مَسَمَ، كْنْ قَهَامُتَرٍ، هَلِ عَ نَشَن دِ مَحْشُنشِ عَ فبٍ رَ، نَ قَمَ بَدٍ عَ يِ رَ.»