Zakali 10

1

2

3

4

5

6

7

8

9

10

11

12

13

14

¹À lou gbɛa Diiwa káabuana, asa Dii mɛ́ ì to lou kɛkɛ, ì to lou kwɛ́nɛ́, ì to buapↄ́ kɛ baadeɛ.

²Tã́aↄ ì yãyaaa'o, màsokɛnaↄ ì yã́ ɛgɛna e. Wɛ́pungu'enaↄ yã́á mↄafiliɛ, an gbɛ̃́ↄ nↄ̀sɛninianɛá pãɛ. A yã́i tò gbɛ̃́ↄ liaaa lán sãↄwa, an kúsu kwɛa kɛ́ aa dãna vĩo yã́i.

³Ma Dii ma mɛ̀, ma pↄ paa an dãnaↄzi, má ĩada blesanapiↄwa. Ma Dii Zĩgↄ̃de má ↄlia Yudaↄzi ma kpàsa pↄ́ↄ ũ, má ń kɛ zĩkasↄ̃ gawide ũ.

⁴Gbɛ̃́ pↄ́ dɛ lán ɛ̃daalɛgbɛwa a bↄ ń guu, gbɛ̃́ pↄ́ dɛ lán kálo ge zĩkasawa a bↄ we, kpalablenaↄ bↄ we píiɛ.

⁵Aaↄ dɛ nɛgↄ̃naↄ ũɛ, aa ↄ̃zↄ̃ ń ibɛɛↄwa zĩkawɛ̃lɛ zɛ́u lán pɛ̀lɛawa. Lá má kúńnↄ, aa zĩka, aai sↄ̃deↄ fu.

⁶Má Yudaↄ gba gbãa, má Yosɛfu buiↄ suaba, mí suńnↄ ń pá ziu, kɛ́ má ń wɛ̃na vĩ yã́i. Aaↄ dɛ lá mi ń vũaa yãaowa, asa mámɛmaa Dii ń Lua, má yãmamá.

⁷Ɛflaiũ buiↄ gↄ̃ nɛgↄ̃naↄ ũ, an pↄ iↄ na lán vɛ̃ɛ zↄ̃̀lɛmáwa. An nɛ́ↄ e, aai pↄnakɛ, an pↄ́ a kɛ na Diiwa.

⁸Má swe pɛ́ńzi, mí ń kãaa, má ń boɛ, aaiↄ dasi lán yãawa.

⁹Baa tó ma ń fãaa buiↄ guu, ma yã́ aↄ dↄńgu za bùsu zã̀zãↄuɛ. Ampiↄ ń ń nɛ́ↄ aaↄ kuɛ, aai su.

¹⁰Má ń bↄ Egipi bùsuu mà suńnↄ, má ń kãaa Asili bùsuu, mí suńnↄ Galada bùsuu ń Libão. Gu a mↄ́máo.

¹¹Aa bua Egipi ísiawa, aa a ikooaↄ fu, Niili ísiↄ ba. Asiliↄ wala a kpálɛ, Egipiↄ iko a láa.

¹²Ma Dii Zĩgↄ̃de ma mɛ̀, ma gbɛ̃́ↄ gbãa'e ma kĩ́i, aaiↄ tɛmazi.