Yohana 11:20-49

²⁰Wa Marta wo andi Yesu ni ye, na luhi ni ndu wawu hi same wu'a u Maryamu a son zu ni miko.

²¹Marta hla ni Yesu, “Bachi, una he nita ni lalon mu, vayi mu ana kwu na.”

²²Zizan me mi to ikpe wa u bre Rji ani no'u.”

²³Yesu hla niwu, vayi me ni ta shime.

²⁴U Marta hla niwu, “Mi to ani ta shime chachu klekle.”

²⁵Yesu hla niwu, “Ime yi mi ta shime u klekle, Ime yi mi re (iviri), indji wa a kpanyeme ni me, ani ta kwu, ani ta shime;

²⁶ni indji wa ahe ni re (iviri), na kpanyeme ni me, ana kwu na; u kpanyeme ni wa?”

²⁷U wa hla niwu, “E, Bachi, mi kpanyeme andi iwuyi u Almasihu, Vren Rji, iwa ani ye ni gbungbulu'a.

²⁸Ni wa a hla naki, na kma hi ni vayi ma Maryamu, na yo ti gigran, na hla, “Mala ye ri ye, na ni yo.”

²⁹Wa a wo naki, wa lunde gbagbla hi niwu.

³⁰Yesu na ri ni vi gbu'a rina, ahe ni bubu wa Iwa ka same ni wu'a.

³¹Ni Yahudawa wa ba he baba Maryamu biwa ba ye chi ba ni kwu'a, bato lu rju ni miko gbagbla me, u ba lu hu, ni ban andi a rju ni bubu yi ni nyu be.

³²Wa a ka ri ni bubu wa Yesu he'a na ka Joku niwu ni za ma, na hla, “Bachi, una he nita, vayimuy ana kwu na.”

³³Wa Yesu ato'u si yi, ni Yahudawa biwa ba hu'a, i wa kpere ni Ruhu na lo ni suron;

³⁴iwa tre, bika yo ni ntsen? “U ba hla niwu, “Bachi, ye to.”

³⁵Yesu yi.

³⁶U Yahudawa ba ba hla ndi, “toh yanda ani son Lazaru!”

³⁷Ba mba ba tre, “Wawu igu yi wa a ya no indji u fyen to bubu'a, ani na ya u gu hi bubu kwu na?

³⁸Yesu he ni mi si lo suron ni tu ma, na hi ni be'a. Ibe'a a he ni ko fron tita u ba ka he ni tita.

³⁹U Yesu tre, “Ban tita yi rju.” Marta vayi Lazaru wa a kwu a, a hla ni Yesu, “Bachi, zizan ikon kmo a gla ye niwa a ti ivi nzah ni kwu.

⁴⁰Yesu hla niwu, mina hla niwu ikpe wa u kpanyeme u to nikon u Rji'a na?

⁴¹U ba ban tita rju, Yesu zun shishi na tre, “Iti, mi ngyiri niwu niwa u wo me.”

⁴²Mi to wa u wo me ni ton wawu, nitu son yi wa gyen klan kagon mu yi mi tre wa, ni ndu ba kpanyeme andi ahi wuyi u ton me.”

⁴³Ni wa a tre kle, na tre gbame, Lazaru rju”

⁴⁴U ndji wa a kwu'a a lu rju, u za ma ni wo ma ba he ni lilo'o ni pri, shishima he ni kika ni gbanjan nklon. Yesu hla bawu, “Bika siwu, ndu hi.”

⁴⁵Gbugbuwu ni mi Yahudawa wa ba ye ni Maryamu ba to ikpe wa Yesu ti'a u ba kpanyeme niwu.

⁴⁶U bari ba kma hi naka hla ni Farisawa ikpe wa Yesu a ti'a.

⁴⁷U Firistoci bi nigon,'a ni Farisawa ba yo indji bi kpanchi'a shuti buburi, u ba tre, ageri kita?” igu yi ani ti gban bi babran.

⁴⁸Ki ta kadon naki, indji ba kpa'u nyeme, Romawa ba ye kpa bubu mbu, ni ndji mbu.

⁴⁹Naki, iri ni mi mba kayatas kena wa ndi ahi kikle Firist ni se kima, a hla bawu, “Bi na to kpe na.