Uyuhana 11:20-49

²⁰Sa Matta ma kunna Yeso ma eh ze, bama dusa barki maka kemme, a Maryamu ma ciki anyimo kura.

²¹Matta magun Yeso, “Ugomo Asere, dagu urani unu ura, mada wonoba”.

²²A anu ma vat imube sawa ikko ahira Asere madi nyawe.

²³Yeso ma gunme, “Unu uwe madi vengize”.

²⁴Ba matta ma gunme, “Min rusa maa vengize roo nu hira anu wijo roni mara vat”.

²⁵Yeso magunme, “Mimani uhirsa a nu wijo, im mani u veno ize, desa maa nya kaduren in mi, in ma wono madi vengize.

²⁶Anime vat desa ma vengize, mahem in mi, mada wono ba, wa hem in ani me?”

²⁷Ba magunme, “mh. Ugomo Asere, mahem ma inko iriba hamani vena Asere sa u eh ze unee.

²⁸Sa maa buki anime, makuri makatita uhe nu me Maryamuanikira. magu “Unu dungara mabiki, matissawe”.

²⁹Sa ma kunna anime, mahiri dibe maha ahirame.

³⁰Yeso mazi mamu ribe akkupinme ba, maraa ahirame sa matta ma kem meni.

³¹Nan ma Yahudawa maginome sa ma zi nan Maryamu, ande sawa eh me tiyom. Wairi ma suro akura dibe, watar sime, waa basa agi mahana a so a ni icau.

³²Sa Maryamu mabiki ahira a Yeso, ma rizi atibuna tumeme, magu, “Asere, agi wa zi nan haru, uhenu um mada wonoba”.

³³Sa Yeso ma irame mazinna so, nan ma Yahudawa ma gino sama tar sime, ma bassa anyimo abibe bilau makuri ma wuzi ma aye.

³⁴Magu, “Abani ya natameni?” bawa gunme, “Asere, aye ira”.

³⁵Yeso ma shi.

³⁶Ma Yahuidawa wagu, “ira u hemme sama zini ahira a Li'azaru!”

³⁷Aye wagu, “Unu geme sa ma nya u rubo u hira hira, madake makarti unu uge me iwonoba?

³⁸Yeso mazinnu basa abanga in nice nume, madusa icaume, icaume ubere unu a inpin inipo.

³⁹Yeso magu, “Akari nipome” matta u he nu u Li'azaru sa wi, magun Yeso, “Asere, nipomme naa mu ma wuna tiye tinaazi”.

⁴⁰Yeso magunme, “Magunan u inki wa hem udi iri ubari Asere”.

⁴¹Wa kari nipome. Yeso ma yeze aje magu, “Acoo, ankoi barki u kunnam”.

⁴²In rusa ukunnam vat uganiya, barki nigura nige sana katem inzin tizee tiginome, barki wa hem hamani wa tumam.

⁴³Sama guna anime, mayeze nimyiran magu, “Li'azaru, suro!

⁴⁴Uni wonome ma suri, tibuna tumeme nan tari me atirzi innu malti, muhenu me a impi unu poru. Yeso maa gunwe, “Soponi me, madusa”.

⁴⁵Anyimo Yahudawa sa wa eh ahira a Maryamu wa iri mmme sa Yeso ma wuza, wahem.

⁴⁶Aye wukuri ahiraanu bezi urusa wa buku we imumbe sa Yeso ma wuza.

⁴⁷Ana katuma kadang ka sere nan anu bezi urusa wa ari ti cukum ahira inde, wagu, “nyaani tidi wuzi?” unu geme mazin nu bezi imum gbardang.

⁴⁸Inki ta ceki me anime, vat wadi hem imme, ma Romawa wadi eh waburi a hira aru nan ti mum tiru.

⁴⁹Vat anime, uye anyomo, kayafa sa me mani unu dangdang ukatuma ka sere aniwe niginome, magun wa “Ita shi imumba”.