YƐSÃÃ 21:5-13

⁵Ò dɑ mɔɔ mufòmmu mmu kɑ̀ɑ mù nhò duɔ́, koò yìɛ́ yɛwe kòo fòmmu òkɛ̀ mɛdiɛ̀.

⁶Fɔ̃́ɔ̃̀ ò dɛɛtɛ́ kòo yètìrì dɛukɛ, fɔ̃́ɔ̃̀ ò dɛ̀úkùnnɛ koò duɔ́ ndisɑ̃nni.

⁷Koò dɔ̀ɔ̀ri mɛsɑ̀ɑ̀ ndiɛmɛ̀ sɑ̃́ɑ̃̀, kòo duɔ̀ ndiwɛ̀ì ɑ borɛ̀.

⁸Okpɑ̀ɑ̀tì duɔ́ nhomɑ́ɑ̀ ndi Kuyie, nɛ̀ Kuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ ku kó mɛsɑ̀ɑ̀ nkpɛ́í nkɛ ò fìíkúmɛ̀ teii.

⁹Okpɑ̀ɑ̀tì, ɑ yóó nintɛmu ɑ dootitɔbɛ̀, ɑ yóó pĩ́mmú bɛ̀ɛ̀ dɑ níí.

¹⁰A yóó feitɛ́ní dìì yiè kɛ́ bɛ̀ tɑnnɛ́ fɛhɑ̃ɑ̃tofɛ miɛkɛ nkɛ, ti Yiɛ̀ nKuyie mbo bɛ̀ mɑɑnko nɛ̀ kɛmiɛkɛ kɛ̀ bɛ̀ɛ cɔ́útɛ́.

¹¹A yóó kuɔmu bɛ kó fɛyɑnfɛ̀, bɛ yɑɑ̀bí nɛ̀ bɛ botóo kɛtenkɛ̀ ĩ́nkɛ̀.

¹²Bɛ̀ dɔ́ kɛ dɑ́ dɔɔ̀ mɛyɛi mmɛ, bɛ̀ wɛ̃nnɛ́ kɛ bo dɑ cɑkɛmu, bɛ̀ mɛ nyí yóó nɑ.

¹³A yóó duɔ́ nkɛ̀ bɛ̀ɛ bútínnɛ́ kɛ́cokɛ́mu, kɑ̀ɑ mbɛ̀ tɑ̃ũ ipie.