Miti Mânec 21:5-13

⁵Goki baficketec ʒâŋe biŋe‐ticne faharewec, eri tatamac â ɋuŋɋasaŋ bâfuacnemeŋ.

⁶Jambuŋ sâkohec jusanaŋkerâ juocte mucnemeŋ, gore maio bubiaŋ manahuc jusarickeocte râemeŋ.

⁷Ŋicwofuŋ e Wofuŋte roweckekac hâcne, eme Femicnere aki anonoczi dopeckeme qiŋ herâ domaocmu.

⁸Megezi râsifâcge sasawa bâfuac‐jopaocmu, mefâregezi gore takic‐jopaekac jaŋe bâfuac‐jopaocmu.

⁹Goki ʒoc iŋucne fua tâcnehuc ʒâmiziec‐jopacmu. Wofuŋ e kimbeŋ‐ticnezi ɋâcjopaocmu, â ʒocbâruŋzi ʒâseŋ‐jopaocmu.

¹⁰Go ɋâricfâc‐jeŋic mâreŋkonec bâsirowec‐jopacmu, ɋiefâc‐jeŋic jaŋe mâreŋŋic jaŋere ŋondeŋko omaeniŋmu.

¹¹Jaŋe eatuc ehuc wiac sâqocne egareniŋte manasueŋgopieŋ, sifu fârine mi bâfuaniŋmu.

¹²Tepegezi ʒâŋe mai‐jeŋicko ma bacmu, ehuc qa jâpec ejaretec wiseniŋmu.

¹³O Wofuŋ, go tâpirigehec faharec! Ɋicwânʒâŋge gae hehuc muafeckenaŋmu.