Psalm 21:5-13

⁵Yohk wolana lal ke sripen kasru lom; Kom asang nu sel pwengpeng ac wal.

⁶Kom oru tuh mwe insewowo lom in oan yorol ma pahtpat, Ac el sessesla ke engan ke sripen kom apkuran nu sel.

⁷Tu tokosra el filiya lulalfongi lal sin LEUM GOD Kulana; Ac ke sripen lungse pwaye lun LEUM GOD El ac fah muta in misla in pacl nukewa.

⁸Ac tokosra el ac fah sruokya mwet lokoalok lal nukewa; El ac fah sruokya mwet nukewa su srungal.

⁹El ac fah kunauselosla oana sie e firir Ke pacl el sikyak. LEUM GOD El ac fah kunauselosla in kasrkusrak lal, Ac elos ac fah firiryak ke e.

¹⁰Wangin sin tulik natulos ac fah moulla; Tokosra el ac fah onelosla nufon.

¹¹Elos oru pwapa sulallal lalos in lainul, Tusruktu elos tia ku in orala nunak lalos an.

¹²El ac fah pusrkalos ke pisr natul Ac oru tu elos in forla ac kaing.

¹³Kut kaksakin kom, O LEUM GOD, ke ku lulap lom! Kut ac fah on ac kaksakin ku lom.