Psalms 21:5-13

⁵Ni nu sangem se nu nup biya wore tam; noko nup biya se ko sokel mu ni nu tuem.

⁶Ni nu ninguru nunguningkiri kiwem ningo kote beterem, ale ni kiwem mu butata bita se lagerko. Ni nu kumik duap te bagasam se nu ninguru amilmila lagoso.

⁷Yawe Kualala Biya, king nika ko gomang ningi nunguning aram. Ni pempem la gemang lila king tui lagasam, se nu te sokel karogo sanami lagoso.

⁸Nika kiting mu kager kari kasik la nunga iluwokko; nika sokel mu kariimet ni me ka kuesan mu nunga menawurokko.

⁹Tom ni wetang te aratu mu, tama melmasak kai saposo iwita, kager kari mu nunga menawurko. Nunguningta Yawe, ni gemang magaruk se kager kari mu nunga ira nongorak kapar se kasik la tama nunga kanirukko.

¹⁰Ni kager kari mu nunga kuriang nunga moar se kuemon, se nunga taleng girigir bo ta ali imi te udagi me bagarukko.

¹¹Nuna ikia kalomon ta, den kalomon ta, bare nuna me ta ka kiamonko.

¹²Mu awuk, ni ka gatu nongote sapar se nuna nagumonko.

¹³O Yawe, nika sokel aora garagar; se mu ko wur ilunak ale nip kualala biya patawunakko.