ܡܙܡܘܪ̈ܐ 21:5-13

⁵ܓܘܼܪܵܐ ܝܠܹܗ ܐܝܼܩܵܪܹܗ ܒܦܘܼܪܩܵܢܘܼܟ݂، ܚܸܩܪܵܐ ܘܙܲܗܝܘܼܬܵ‌ܐ ܟܹܐ ܡܲܬܒܸܬ ܥܲܠܘܼܗ‌ܝ.

⁶ܒܗ̇ܝ ܕܟܹܐ ܡܲܬܒܸܬ ܐܸܠܹܗ ܒܘܼܪ̈ܟܵܬܹ‌ܐ ܠܥܵܠܲܡ، ܟܹܐ ܡܲܚܕܸܝܬ ܠܹܗ ܒܦܨܵܚܬܵ‌ܐ ܕܗܸܙܘܼܪܘܼܟ݂.

⁷ܣܵܒܵܒ ܡܲܠܟܵܐ ܒܸܣܒܵܪܵܐ ܝܠܹܗ ܒܡܵܪܝܵܐ، ܘܒܛܲܝܒܘܼܬܵ‌ܐ ܕܥܸܠܵܝܵܐ ܠܹܐ ܫܵܥܹܫ.

⁸ܡܲܫ݇ܟ̰ܚܵܐ ܐܝܼܕܘܼܟ݂ ܠܟܠܵܝܗ‌ܝ ܕܸܫ̃ܡܸܢܘܼ̈ܟ݂، ܝܲܡܝܼܢܘܼܟ݂ ܡܲܫ݇ܟ̰ܚܵܐ ܠܣܵܢܝܵܢܘܼ̈ܟ݂.

⁹ܒܸܬ ܥܵܒ݂ܕܹܬ ܠܗܘܿܢ ܐܲܝܟ݂ ܐܲܬܘܼܢܵܐ ܕܢܘܼܪܵܐ ܒܥܕܵܢܵܐ ܕܡܲܒܝܲܢܬܘܼܟ݂، ܡܵܪܝܵܐ ܒܚܸܡܬܹܗ ܒܸܬ ܒܵܠܹܥ ܠܗܘܿܢ، ܘܢܘܼܪܵܐ ܒܸܬ ܐܵܟܹܠܔ ܠܗܘܿܢ.

¹⁰ܝܵܠܵܕ݇ܝ̈ܗ‌ܝ ܡ̣ܢ ܐܲܪܥܵܐ ܒܸܬ ܛܲܠܩܸܬ، ܘܙܲܪ̈ܥܵܝܗ‌ܝ ܡ̣ܢ ܒܢܲܝ̈ܢܵܫܵܐ.

¹¹ܒܗ̇ܝ ܕܬܘܼܚܡܸܢܗܘܿܢ ܥܲܠܘܼܟ݂ ܒܝܼܫܬܵ‌ܐ، ܚܫܝܼܒ݂ ܠܗܘܿܢ ܦܸܠܡܵܐ، ܐܝܼܢܵܐ ܠܹܐ ܡܵܨܝܼ.

¹²ܣܵܒܵܒ ܒܸܬ ܡܲܥܒܸܕܸܬ ܠܗܘܿܢ ܕܥܵܪܩܝܼ، ܩܸܫܬܘܼܟ݂ ܒܸܬ ܗܲܕܪܸܬ ܠܦܵܬܘܵܬܵܝ̈ܗ‌ܝ.

¹³ܪܘܼܡ، ܝܵܐ ܡܵܪܝܵܐ، ܒܥܘܼܫܢܘܼܟ݂، ܒܸܬ ܫܲܒܚܲܚ ܘܙܵܡܪܲܚ ܓܲܒܵܪܘܼܬܘܼܟ݂.