Psalms 21:5-13

⁵A linan me lapalap ki omui kotin jauaja i. Kom kin kotin kapwataki i manaman o linan.

⁶Kom kotin kajapwilada i, pwen wia kamau men kokolata; kom kaperenda i mon jilan omui.

⁷Pwe nanmarki kin liki Ieowa, o a pan dadaurata ki kalanan en me lapalapia.

⁸Lim omui pan diar omui imwintiti kan karoj, o lim omui maun pan diar me kailon kin komui.

⁹Kom pan wia kin ir ala jtop en kijiniai eu, ni omui pan kotin pwarado. Ieowa pan kotin kawe ir ala ni a onion, o kijiniai pan kan ir ala.

¹⁰Kom pan kotin karojela kadaudok arail jan nan jappa, o wa ’rail jan nan pun en aramaj akan.

¹¹Pwe irail inau kidar, me re pan wia jued on komui a re jota pan itar on.

¹²Pwe komui pan kotin kajaloe ir ada, pwe ren tan; kom pan kotin padok won ir omui jal en kajik katieu.

¹³Main kom kotida ni omui rojon kit ap kauleki o kapina omui manaman.