Warumi 3:9-18

⁹Ni nini basi? Tunajitetea wenyewe? Hapana kabisa. Kwa kuwa sisi tayari tumewatuhumu Wayahudi na Wayunani wote pamoja, ya kuwa wapo chini ya dhambi.

¹⁰Hii ni kama ilivyoandikwa: “Hakuna mwenye haki, hata mmoja.

¹¹Hakuna mtu ambaye anaelewa. Hakuna mtu ambaye anamtafuta Mungu.

¹²Wote wamegeuka. Wao kwa pamoja wamekuwa hawana maana. Hakuna atendaye mema, la, hata mmoja.

¹³Makoo yao ni kaburi lililo wazi. Ndimi zao zimedanganya. Sumu ya nyoka ipo chini ya midomo yao.

¹⁴Vinywa vyao vimejaa laana na uchungu.

¹⁵Miguu yao ina mbio kumwaga damu.

¹⁶Uharibifu na mateso yapo katika njia zao.

¹⁷Watu hawa hawajajua njia ya amani.

¹⁸Hakuna hofu ya Mungu mbele ya macho yao.”