WALOMA 3:9-18

⁹Avo tulongeze? Tweye Wayahudi tunoga kubanza wanhu wayagwe? Bule! Kwavija tweye tose twisha kutagusigwa, wose, Wayahudi na Wamhazi twa hasi ya mhiko za vilozo.

¹⁰Kamba Nyandiko Zing'alile vuzilonga, “Haduhu munhu yalibule uzenzeleganye, haduhu hata munhu imwe,

¹¹haduhu munhu yali na udaho wa kutanga mbuli, haduhu munhu yomzahila Mulungu.

¹²Wose wamuleka Mulungu, wose hamoja wagaluka miwewela, haduhu munhu yotenda ganogile, haduhu hata munhu imwe.

¹³Mikolomelo yao ya kamba panga digubuligwe, ndimi zao zolonga uvwizi, yodumbiza kamba sumu ya nyoka ilawa mmilomo yao.

¹⁴Milomo yao imema ndukumiza na usungu.

¹⁵Magulu gao gowalongoza walopole kwita mulopa,

¹⁶ubananzi na migayo va mzinzila zao,

¹⁷na nzila ya tindiwalo hawaitanga.

¹⁸Haduhu bwembwe da Mulungu haulongozi wa meso gao.”