9Gonun, ig Zuda duailel sag duailel naliu, ig Uwait nugau ameg ebu emgasag ipal ebuan duailel zilacaramam ta? Tam pet, tam! Iz ze go getal awaremin. Igul eg nug ig Zuda duailel mui, emgasag ipal ebuan duailel abai ereg umkoskos gumiganeu.
10Uwait nugau ze nug guzenai aneun, “Du tub nug umkoskos igul naliu i macaneu. Tam pet, tam! Duailel ag unum igul eg macanemen.
11Du tub nug Uwait erunai pet dareu aimai suban i dabilaneu. Du tub nug go isanarabun Uwait i itananeu.
12Duailel unum ag Uwait semoromenin. Ag unum eg usalina, Uwait nug ag gonugau salau mabun tapai marabun iborain tam. Du tub nug gonugau zaug ebu igul naliu i macaneu. Petak pet, igul naliu macaneu du i dareu.
13Duailel agal oiagsau eb ob i sigelanemen sul. Ag duailel ipal igul eg mabun polu ze awaranemen. Ein ze agal oiagsau eiman alacaneu, go gue man nug kaluaraneu sul, ag duailel eg maranemen.
14Agal oiagsau nug umkoskos duailel ipal sinocarena, go uhu wanemen.
15Ag umkoskos duailel ugarina, noumabun dabelacanemen.
16Ag emgasag unum aidaimai, ecesab unum eg waimai, duailel oiagab eg wai mabun guzenanemen.
17Ag duailel abai oiagab selai mui dabun igul go ag i abiu.
18Ag Uwait en dabeleimai, gonugau ze uminaimai i sesamoranemen.” Ze go unum Uwait nugau kasai ze ebu dareu.
Rom 3
Rom 3:9-18