Rom 3:9-18

⁹Ke lape ta hele ke merei ol? Ita Iuta mur mai ta urana toto nge hana lomonmona ngana mur kai? Ero toto! E hemallaha hote ke ulolo ke e teke Iuta mur pe hana lomonmona ngana mur te popoi poinga poreke ngana.

¹⁰NeHalang nena alalaha nenge tehas sue ke ulolo heleia pule ke teke, “Mele pele i non nge pengpeng ero toto.

¹¹Mele pele i non nge letena matana ero toto. Mele pele naula mana nge NeHalang ke halaua i ero toto.

¹²Iri lochloch ngana te hul rumeria ia NeHalang. Pe iri lochloch ke te poia poinga poreke ngana. Pe mele e nge poia poinga e pengpeng ero toto.

¹³Harria pomalaka nga mele nenge mete ana polo nge hanna pangpanga. Aria hengetau hele hot menmene helenga pallaklaka ngana mur.

¹⁴Harria milang pe te hele hot menmene ure poreke ngana.

¹⁵Pe leteria inin ke ueiuei mana ke te hune hehei pe hana.

¹⁶Nga kileng lochloch ngana nenge te laia te heporeke ure mur pe te sisparai ule iri.

¹⁷Pe te eteia poinga nenge tetu ke nek luchluch nge hehei pe hana ero.

¹⁸Pe te mataua NeHalang ero pule.”