Buud ɔ́ Róma 3:9-18

⁹Sə́ kág cɨ nə́ jɨ? Ye sə́ Oyúdɛn sə́ ŋgə ntɔ̧ bɔ́ɔ́l búúd nə nyúl zhɨ́ɨ́? Cwûd! Sə́ ŋgə kúnɔw lwágʉlə nə́ buud bɛ̂sh bʉ́sə mə́nyámá mə́ mísə́mʉ́d, buud bɛ̂sh tɔɔ Oyúdɛn tɔɔ Ogʉrɛ̂k.

¹⁰Sâ jɔɔŋg wə́ Mícilyá mí ŋgə́ lwágʉlə kʉ́l mí ŋgə́ cɨ nə́: Kú nə muud jɨ́ tʉ́təlí, kú nə tɔɔ ŋgwûd.

¹¹Kú nə muud jɨ́ nə fʉg, kú nə muud ŋgə́ sɔ̧́ Zɛmbî.

¹²Buud bɛ̂sh bwə́ á mə́ wú zhɨ́ɨ́d bɛ̂sh bwə́ mú ŋgə cwagʉwa ntɔ́, kú nə tɔɔ ŋgwûd jɨ́ nə jɔ̧ lâm, kú nə tɔɔ ŋgwûd nə ŋgwûd.

¹³Ŋkwoóminʉ́ jáŋ jɨ́ nda shwoŋ í mə́ bâŋ yí. Jûm dáŋ í wééshʉ́lí njɨ məshɨɨgâ, Sâ í wú bwo mpʉ́sə ijá í mpu yí jɨ́ nda məjə mə nywâ.

¹⁴Məzhúŋgʉ́lú nə iciyá í ófimâl í á mə́ lwánd bwo mímpud nə́ cwɔ́ɔ́.

¹⁵Məkuú mə́ cáás bwo shí njɨ kə́lə gwú búúd.

¹⁶Kʉ́l jɛ̂sh bwə́ kə́ yí, bwə́ ŋgə gwɨ́ɨ́lya mənywa mə búud, ŋgə nyasʉlə buud mə́ntágʉlad.

¹⁷Bwə́ ampúyɛ́ zhɨ́ɨ́ mətəla.

¹⁸Bwə́ abwɛ́lɛ́ bə nə tə́dʉ́gá nə́ bwə́ fúndə Zɛmbî.