9Beli, Suda kawtiw nu Sunbin-Got em kiin dim e mali kawtiw num ibik biliw kawtiw ilo bakiyemkabuluw sako? Itel bate! Kame kuw ne fut tem boko, kiin buk weng mak bokoyemomeli: “Suda kunum waneng nuso, mali kawtiw num ibik biliw kawtiw iso, alik alik kunum waneng nu bongguko, makmak emdiw keko, kawtiw ibolow sili sili nam so kawtiw keyemkabuluw te.”, angi te.
10Yu Sunbin-Got em fut ayem em bosiliw weng kale kililina! Weng be kanekote: “Kiol kuw kukuw kekabe kunum makmak kuw banim te.
11Sunbin-Got em ibolow elo kilele kal kele kunum makmak kuw banim te. ‘Ne Sunbin-Got em ibolow fukunin be kilele feno yo!’, angeko gelewkabe kunum makmak kuw akati banim te.
12Alik alik i Sunbin-Got em ibolow kelewbe deiw be koleweko, em kiin dim e soson kawtiw kuw kekabiliw te. Feinka! Mali kawtiw ilo kinkin ibolow keyembe kunum makmak kuw banim te.
13Alik alik im bontem dim e fomkamin emdiw kelei, im weng e kilonse weng atew keko, sokyan ayem kimon emdiw kekabe te.
14Yakok weng so, gal keyemin weng so, im bontem dim gek kekabe te.
15I yenomin kawtiw keko, mali ilo yenomin ibolow kuw kekabiliw kasike,
16i nalem aneng aneng angom mak kalo uniw tewe, aneng ka biliw kawtiw biilo ibolow kaisuw kuw keyembomi, wa wa kuw keyemeko, anggil ilum fian mak duyemkabiliw te.
17Duyembomi, menew ibolow kuw bomin deiw be atin kuw akokow kekabiliw te.
18Alik alik i Sunbin-Got elo wangweng keko, tokotoko kelewinba kekabiliw kasike!”,
Ulom 3
Ulom 3:9-18