9Afa asegba ateaho bigel Ju el Godna nof wa lahlag fig afa afwambanai el eba awai. Amo, eba awai. Afa ka ati nem sihinig Ju el afa afwambanai el bigel mungwali amtakwaligim ahnai skaufig.
10Afa Godna buk enaig esog; Mas aman mungo afsug el feg mo. Awai nemug.
11Afa mas aman mungo anwanagna feg mo Godum yisigiegim.
12Afa mungwali el Godum nangu wahigim eso isug el feg afa mas aman mungo lahlag eseg mo. Awai nemug.
13Afa ehengelni mo lagig enmuna fegim ofenai melni fungug lofeg. Afa ehengelni meleg wa elim mwakwal fegonug. Afa ehengelni mo lagig elim tigifatig ofenai pou.
14Afa ehengel nai yi ahanaig ahanaig agi mo memtowa pugunig.
15Afa ehengel ikagna ahugum elim kwagiskugum.
16Afa ehengel ahnanai yi gaba ahugum gawigim amtakwale aitifigim afa elim kinig faigog.
17Afa ehengel mingnag el nanam mas afoahlanam augui.
18Afa ehengel mas Godum ahnai skaufeni.
Rom 3
Rom 3:9-18