Roma 3:9-18

⁹Nuꞌunabee? Arumak emi haneo haꞌak, “Ita mak ema Yahudi, ita diꞌak liu ema seluk ka?” Keta haneo nunia! Tan haꞌu katudu baa emi tiꞌan kaꞌak, ema hotu-hotu monu baa sala. Masik sia, ema Yahudi ka, ema seluk ka, ema hotu-hotu nalo sala.

¹⁰Hakerek Moon naꞌak, “La noo ema mak moris loos. Ida moos, la noo!

¹¹La noo ema mak natene tebes lia nosi Naꞌi Maromak. La noo ema mak nakara buka Naꞌi Maromak.

¹²Ema hotu-hotu sees tiꞌan nosi dalan moris mak loos. Tan lia nia, sia la noo folin ona. La noo ema mak natudu laran diꞌak. Ida moos, la noo!

¹³Siakaan dalen, nuhar dois, hanesan rate mak ema keꞌe nikar. Siakaan ibun nakonu no tolek. Lia fuan nosi siakaan ibun, hanesan samea rason.

¹⁴Siakaan ibun nadois ema naran dei, toꞌo ema seluk laran moras, tan lia fuan mak sai nosi siakaan laran dois nia.

¹⁵Sia la nataꞌuk noꞌo ema.

¹⁶Sia baa nabee dei, sia tokar lauk iha nia, no nasusar ema iha nia.

¹⁷Sia la natene moris dame malu. Sia la natene moris nodi neon mamatek.

¹⁸Sia la bele netu neon, tan la nataꞌuk Naꞌi Maromak.”