ROMANOS 3:9-18

⁹Auxe’ max qui tsalpay abal huahua’ tu Israel u lej alhua’ ani axi yab Israel lejat yab alhua’. Ni abal jay iba qui tsalpay antsana’. I ulumalits abal a Dios in tsu’tal tim patal an inicchic jolbith tin ebal an hualab, axi Israelchic ani axi yab Israelchic.

¹⁰Tu thuchathits huahua’ ti al an T’ocat Thuchlab. In ulal: Ni jita’ yab hua’ats ax in t’ajal alhua’, ma juncats yab hua’ats.

¹¹Ni jita’ yab hua’ats ax in lej ejtinchal in tsalap a Dios. Yab hua’ats ax u alim c’al a Dios.

¹²Pilme tim patal an inicchic yab in aynanchal im belil a Dios. T’ajat q’uibenequits. Yab hua’ats i alhua’ inic, ma ni juncats yab hua’ats.

¹³Caxiy in cahuintal an inicchic ejtil i tsemelom axi pet’elits in caxiy tam yabaye jolith. Lej c’ambix an inicchic c’al jahuats quin ulu. An cau jahua’ in ulal ejtil in it’ixtal an tsan.

¹⁴In caunal hualim i quithab cau ani i ts’a’ic cau.

¹⁵Athithil ne’ets abal ti tsemthom c’al in at inic.

¹⁶Xe’et ti q’uibethom ani ti othnax.

¹⁷Yab in ujnam ca c’uajlelen jun ejet.

¹⁸Ma ni hue’ yab jic’tsoth c’al a Dios.