Romu 3:9-18

⁹Debɛi, ɑwɑ Zuifu ŋɑ mɔ ɑ̀ tiɑ inɛ ɡɔ ŋɑ mɛɛ. Aɑwo, bɑɑ keeke, domi ɑ̀ nyisi tɑ̃ iyi Zuifu ŋɑ do dimi mmu ŋɑ ɑŋɑ fei ɑ̀ wɑ si ɑwɔ ɡbuɡbɑ̃i dulum.

¹⁰Kukɔi idei Ilɑɑɔ̃ wɑ fɔ í ni, Inɛ kɑ̃mɑ kù jɛ dee dee, bɑɑ ɑkɑ̃.

¹¹Inɛ ɡɔ kù wɛɛ iyi í nɛ bisi. Inɛ ɡɔ kù nɔ kù wɛɛ iyi wɑ dɛ Ilɑɑɔ̃.

¹²Inɛ fei í nyɔi, Inɛ fei í bɛjɛi. Inɛ kɑ̃mɑ kù wɛɛ iyi wɑ ce jiidɑ bɑɑ ɑkɑ̃.

¹³Idei ɡɛlɛ nŋɑ í sɑ̃mi bɛi bɑlɛ foo, Nɔ í nɛ ɑcĩ bɛi njo. Do idei ɡɛlɛ nŋɑui ɑ̀ yɑ tɑkiò inɛ ŋɑ.

¹⁴À nɛ inɔ kuro nɔ ikpei wɑ kɔ̃ si ɡɛlɛ nŋɑ.

¹⁵Kutɛ ɡbɑ̃ɑ ku kpɑ inɛi ɑ̀ nɛ.

¹⁶Bii ɑ̀ bɔ fei idei kukpɑ do inɔ kufɔi ɑ̀ yɑ jɔ̀ bɛ.

¹⁷A kù mɑ̀ kpɑ̃ɑi lɑɑkɑi ku sũ.

¹⁸A kù nɛ njoi Ilɑɑɔ̃.