Rom 3:9-18

⁹Dangetok be namnambed, eitit Juda eitit vie molge gitlek amolmol ebe nangge Juda ite ok me? Ma yapin! Eitit Juda be amolmol ebe nangge Juda ite ok, eitit tepwengge gitangi ate ge, ve eitit tepwengge tasov gen tiate as yaun ane lu ge.

¹⁰Be yaun ebe giengk Pomate ane kapia ok ginei dangeteik: “Amol vie ti givang nalk etenik ite molge, ma molge.

¹¹Be amol ti ebe tis dabe-gwet vie ok givang ite, me amol ti ebe girek Pomate ok givang ite weik etok ge.

¹²Amolmol tepwengge ivkir dumas gitangi Pomate be isov gen tiate aplo ile gikwai. Be amol ti ebe ges ane luev vie-ngge ok ti givang ite, ma yapin.

¹³Eisir avos weik umbub ebe avos givkwav ge nangge taku gimat ane ok, gen tiate walang ok gingik giengk eisir giblus den ge. Be amblas inei yaun bingkas-kasop walang ano, be avos weik muat valir as marasin.

¹⁴Eisir avos tiate molge gitangi amolmol.

¹⁵Be as ete ve ines amolmol vunkunu ok yapin,

¹⁶eisir iyaing amolmol as gen nangge taku walang ok be ilgum amolmol be aplos bunam gigas ta-ngge.

¹⁷Eisir ivkir dumas ve luev tas givin is ate ane,

¹⁸be ipelk ve Pomate ite molge.”