9Mi gbãa waŋ wuɔ niɛ? *Yuifubaa miɛ i bɔyaa banamba-na wɛi? I saa buɔ-bɛi! Mi tagaaya pigãaŋ-na cor miɛ Yuifubaa-ba‑i baa *niɛraamba‑i hiere ãmbabalma nyugãaŋ-bɛi hiere ka saa.
10Ma nyɛgãaŋ Diiloŋ-nelma-na wuɔ: «Nelviiŋo si dii aa bi cira u yaa daayo.
11Molo sa nu nelma, molo si dii umaŋ taaraayaŋ Diiloŋo‑i.
12Ba naana hũmelle‑i hiere, ba ciɛ nelsɔsɔyaamba. Ãnfafammancero si dii aa bi cira u yaa daayo.
13Ba nuŋ-ãndɛnni balaaŋ ŋaa kuudãlãŋgu. Ba nunni yii baa huhurma yaa yoŋ. Ba nuŋ-ãndɛnni dii ŋaa tĩmma.
14Ba haa ba nubabalaaŋgu yaa nuɔmba-na ka naŋ bãaŋgu‑i. Ba nunni yuu baa ãndababalanni.
15Aa ba nammu dii fiɛfiɛ nelkolle-na.
16Da ba cor kusuɔŋ-nu, ba guɔla-kuɔ aa kɔsuɔŋ nuɔmba‑i aa cor baa ba fɛrɛ.
17Ba sa suɔ baŋ bĩŋ kumaŋ yaafɛ̃lle‑i.
18Ba sa kãalã Diiloŋo‑i halle cɛkũɔ.»
Ɔrɔm. 3
Ɔrɔm. 3:9-18