9A'ero po pe ei ji ve: “Marã a'ero? Nhande judeusramo nhandepyry hete jara'g̃a hohe?” Ahã tuhẽ, a'e ji. “Ndojoavyavyi judeus'g̃a judeus'g̃arũive'g̃a pavẽi okote'varuhuavo,” a'e ko ji pe me ko. A'ereki niandepiro'ypavi nhande nhanderekote'varuhua hugwi.
10Nahã Tupana'ga rembikwatijarukara i'ei yvyakotyve'g̃a mombe'gwovo. “Ndapyryvi pa g̃a Tupana'ga pe,” e'i.
11“Nonhimombaragwahavi pa g̃a aherekokatua rehe. Ndokwahapotari pa g̃a Tupana'ga okoe'yma ga rehe,” e'i.
12“Opohi pa g̃a Tupana'ga hugwi. Ndoakwahavihu pa g̃a. Ndokokatui pa g̃a,” e'i ikwatijara.
13“Onhi'ĩ te'varuhu g̃a ja'javo ojipe'g̃a pe. Omoandyandyi g̃a ojipe'g̃a,” e'i. “Mboja ahe hu'urame ahera'oa mbotegwetei. Na jitehe o'ete'varuhurame ojipe'g̃a pe g̃a g̃a mbotegwetei,” e'i ikwatijara.
14“Onhimboahivuhurame ojipe'g̃a pe g̃a e'i te'varuhu g̃a pe imbote'varuhuavo,” e'i.
15“Ojukatuhẽtuhenhuhũ g̃a g̃a.
16Perope g̃a oho – pevo g̃a ojipe'g̃a mbotegwetegwetei g̃a mbovy'are'yma,” e'i.
17“Nombojogwerekokatuukari g̃a jara'g̃a pe.
18Nomondoi g̃a imohina Tupana'ga rehe okyhyjie'yma ga hugwi,” e'i ikwatijara yvyakotyve'g̃a mombe'gwovo.
Romanos 3
Romanos 3:9-18