Roma 3:9-18

⁹Dadi talo bee? Ei duꞌa mae, ita hatahori Yahudir neulaun lenak numa hatahori ta Yahudir mai, do? Ta bisa dadi! Au atudu neu ei ena ae, basa hatahorir tuda salak, leo mae ndia hatahori Yahudi do, hatahori ta Yahudi.

¹⁰Sama leo neni surak nai Manetualain Susura Malalaon nae, “Ta hambu hatahori fo leo-laꞌo ndoos seku neu. Ta hambu esa boe na!

¹¹Ta hambu hatahori mana bubuluk tebe-tebe laꞌe-neu Manetualain. Ta hambu esa boe na, fo sangga nalela Manetualain.

¹²Basa sara sio laꞌo ela eno-dala masoda ndoos ena. Boe ma basa sara ta neni pakek kara ena. Ta hambu hatahori fo natudu dale susuek. Ta hambu esa boe na!

¹³Kokolan nara raboo mburu, nok bali rates fo hatahori suu falik kana ena. Bafan nara ralela kada kokolak pepeko-lelekok. Dedeꞌa-kokolan fo mana kalua numa bafan nara mai, nok bali mengge rason.

¹⁴Bafan nara ralela kada oꞌole-aꞌali hatahori, ma kokolak manggarauk fo kada rakahehedik hatahorir dalen nara, te naa ndia kalua numa dale kaboo mburun nara mai na.

¹⁵Ara ta ramataꞌu rakanisa hatahori.

¹⁶Ara bee reu, na, ara soa tao nemue-anggik nai naa, ma tao susa-sonak mata-matak kara neu hatahori.

¹⁷Ara leo-laꞌo ta no mole-damek, ma ta nau leo-laꞌo no dale lino-lendek.

¹⁸Ara ta rakatataka rala aon nara, nahuu ta rameda bibii-nemetaꞌuk faa boe na neu Manetualain.”