Thuchihbu 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Mihem ama changsehkikhoh sahpa chu ama dei lam jeng-ah akisalal jin, thildih lam ki manchahna jouse adoudal jin ahi.

²Mingol in thil hetthem’a lunglhai ding kiti anahsah pon, ama lung ngaichat jeng bou akhoh sah-jin ahi.

³Phatlouna ahung um teng, thangset nan ahin jui in, kijatona abei teng kimudana aum paijin ahi.

⁴Miching kamsunga kon hung potdoh thuchang hohi twithuh tobang ahin, chihna jong hi vadung ngui heu a twilong tobang ahi.

⁵Miphalou maija langnei hi angaina ahipon, midih chungthu adih’a tan ding jong suh-noh phah lou ding ahi.

⁶Mingol thucheng hin mitoh kinahna ason, akamchenga kon in mol akisei doh bep jitai.

⁷Mingol kamcheng hi ama dinga amanthahna bep ahin, aleigui in ama le ama thangkol’a o-na ding akisemdoh bep ahi.

⁸Aguh a thu poa pangpa thusei jihi, anneh tuitah tobang ahin, akamcheng sohdoh jouse jong mihem lungsunga alhalut paijin ahi.

⁹Atohna chunga mithase hi, mi manthah sahpa toh sopi ahi.

¹⁰Pakai minhi kulpi nasatah tobang ahin, hijeh chun midih in abel-jin hoidohnan aneije.

¹¹Mihaopa nei le gou chu ama din kulpi dettah tobang ahin, akihuhhingna dinga pal kikai bep bep ahi.

¹²Mihem amanthah kon leh, kiletsah nan adim jin, koi hilehakineosa masa chan chu jabolnachang ding ahi.

¹³Thil hetchet masanga donbutjeng chun, ngol-houi tah jumna atotei ding ahi.

¹⁴Mihem lhagao in dam-monaathoh jou in, hinlah lhagao adamlouteng thoh hahsa ding ahi.

¹⁵Chihna lungthim neihon phattin’in hetbe ding adei-jun, hijehchun miching hon hetna mube dingago jing un ahi.

¹⁶Mihem kiti hi athilpeh chunlampi agonpeh-ji ahin, hijeh chunmilen milal henga jong apuilut jin ahi.

¹⁷Mihem khat’in achung thuakikhol masah teng, adih in akimunan, akihehpi dingpa ahung lhun’aakikhol chaisoh teng, achung thukiseipan bep ahi.

¹⁸Vang vetna kiti hin baotamnaabeisah jin, akidou teni kah’a jongthutan in apang e.

¹⁹Sopi khat in asopi khat apanpihi, kulpi dettah tobang ahin, hinlahkinahna aso teng khopi kelkotkikam chah kheh tobang ahi.

²⁰Mihem in kamngai vang inan-neh ding akimun, koi hilehakamcheng sohsa ne chan chualungkim in ahi.

²¹Kampao le leiguia kon in thi lehin akingam in, koi hileh adihlou’athusei chan chun atohga aneh teiding ahi.

²²Pasal in numei ji-ding akimu teng, amapa chu anunnom ahin, ajeh chu Pakaija kon lung lhaina chang ding ahitai.

²³Mivaichan khotona angaichat teng atao jin, hinlah mihao’in kiletsah to thon thu asei-jin ahi.

²⁴Gol le pai kiti hi apha-lhem manthahna thei jong aum in, hinlah gol le pai abang chu penpi tahbeh sopi sanga kinaipi jong aum in ahi.