Sirach 16

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹Camoe yoka te muep ngaih boeh, lailak cadil soah khaw kohoe sak boeh.

²Amih te a ping mai akhaw amih te uem boeh, amih khuiah Boeipa aka rhih a om hae pawt atah.

³Amih kah thingthuelnah dongah pangtung boel lamtah, a hlangmi dongah khaw hangdang poeh. Pakhat he khaw thawngkhat lakah then thai tih, lailak ca khueh lakah tah cakol la duek he then ngai.

⁴Rhung tue pawt ah na nguek uh hae vetih, buengrhuet a hmata uh te ni na ming hae eh.

⁵Ka mik loh te bang hno te muep a hmuh coeng, he lakah langya ngai hno khaw ka hna loh a yaak coeng

⁶Hlangtholh rhoek tingtunnah he tah hmai hlup banghui la om, Altha namtu taengah khaw kosi rhong ni.

⁷Amah kho khosuen hlangtlung khaw khodawk a ngai moenih, amih te a tlung neh boe a koek uh dongah.

⁸Amah loh Lot kah imben rhoek khaw a hnaih moenih, amih kah a thilen te a tuei dongah.

⁹Namtu a cungku soah khaw lungma a ti voel moenih, Amih kah tholhnah te a toeng uh pawt dongah.

¹⁰Rhalkap thawng ya rhuk te khawm ta a thinthah neh a tingtun uh dongah ni a phae.

¹¹Thinthah hlang pakhat khaw om mai tih, dantat mueh la om koinih tih khobae rhambae la om ni. Boeipa taengah rhennah neh kosi khaw om, amah loh a rhen thai bangla kosi khaw a hong thai.

¹²A rhennah bangla a phaepnah khaw len bal Hlang he a khoboe tarhing ah lai a tloek.

¹³Hlang tholh he kutbuem nen khaw loeih pawt vetih, Hlang cim kah uehnah te khaw hnawt bal mahpawh.

¹⁴Rhennah bibi boeih soah a hmuen a khueh tih, pakhat rhip loh a khoboe tarhing ah a doe.

¹⁵Boeipa loh Pharaoh thin a len sak tih amah te hmat pawh, Tedae vaan hmuiah tlungthang la bi a bi ngaih dongah ni.

¹⁶A sitlohnah he tah a saihluen boeih teaengah tueng tih, a rhilam rhui neh khoyin khothaih khaw boeih a rhi.

¹⁷“Boeipa taeng lamloh ka thuh uh coeng, hmuen sang lamkah u long nim a lungbuei ah kai n'khueh eh. Pilnam te yet lakli ah u long kai m'ming, saihluen toeklek na mueh kai he bang lam ka om?” ti boeh.

¹⁸Anunae, vaan neh vaan sosang aih, tangrhom dung neh diklai khaw, Boeipa loh a hip vaengah tah thuen uh coeng.

¹⁹Tlang neh diklai khoengim khaw, liva neh lingluei khaw a so lamloh a sawt coeng.

²⁰He a lungbuei neh aka pha hlang a om moenih, a khosing te uh long a thui thai lek eh?

²¹Hli thae te aka hmuh thai a om pawt bangla, a bibi khaw a kum ngai tah boeih a phah oeng.

²²A khoboe tiktamnah te thui hamla unim aka om tih, te rhoek te u long a rhing thai pai eh? A oltloek he tah bahoeng hla rhoe pai ta.

²³Te rhoek te yakingnah aka voei rhoek kah poeknah ni kotalh neh longphaelh hlang kah poeknah tah hlang ang ni.

²⁴Ka ca aw hnatun lamtah mingnah la lo lah, ka ol he rhep hnatun ham pae lah.

²⁵Thuituennah he tluektluek bitni, Te dongah mingnah he phekphek thui.

²⁶A tongcuek lamkah a bibi dongah Boeipa loh a suen Te a saii vaengah a rhimong khaw a suem coeng.

²⁷A bibi te dungyan kah olkhueng neh a soepsoei coeng, a uknah he khaw cadilcahma boeih ham pawn ni. Amih te ponghalh uh pawt tih tawnba uh pawh Te dongah a hmakhuen khaw toeng uh pawh.

²⁸Amih te pakhat loh pakhat kalthalh la nen pawt tih, amih te Boeipa ol te aek uh tlaih pawh.

²⁹Te vaengah Boeipa loh diklai a sawt thuk coeng, Te dongah amah kah hnothen nen khaw a baetawt sak.

³⁰Diklai he mulhing hui boeih neh a thing tih, Te rhoek khaw diklai la mael uh.