Sirach 28

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹Tawnlonah aih khaw Boeipa kah tawnlohnah ni a dang, Amih kah tholhnah te Boeipa loh khak a khoem coeng.

²Na imben loh thae a saii te khaw khodawkngai mai, tedaengah ni na thangthui vaengah na tholhnah han hlah eh.

³Hlang long a hui taengah thintoeknah tlal khueh koinih, metlam lae Boeipa taengkah hoeihnah te a lamtawn eh?

⁴Hlang he amah bangla a tloe taengah rhennah khueh pawt koinih, amah tholnah soah tholhhlahnah te metlam a bih thai eh?

⁵Pumsa saloela kosi te puet vuelh koinih, a tholhnah soah u long lae tholh dawthnah boirhaem te a saii pa eh?

⁶Na hing a bawtnah te poek lamtah rhalcak te khueh boeh, Pocinah neh dueknah te poek lamtah, aka thuem olpaek te khaw poek lah.

⁷Olpaek te poek lamtah a imben taengah thintoek sak boeh, Khohni kah paipi te poek lamtah, a thae bueng te dawn boeh.

⁸Olpungnah rhael lamtah na tholhnah yol ni, thinsanah long khaw hmai ni a puek sak.

⁹Hlang tholh loh paya khaw a paa sak tih, rhoepnah lakliah khoponah ni a soem.

¹⁰Hmaitui a pueh vaengah tah, hmai ni a tak, Mangkhaknah a pueh vaengah, olpungnah rhoeng. Hlang he a thadueng a puh vaengah a thintoek yet tih, a khuehtawn a puh vaengah a kosi khaw rhoeng.

¹¹Koeloe olpungnah loh hmai a puek sak tih, koeloe oelnah loh thii a long sak.

¹²Hmaili te na hmut koinih tak vetih, na timthoih koinih duek ni. Te rhoi te na ka lamkah ni a thoeng.

¹³Hlang thet neh lai panit la aka phae tah thae a phoei thil coeng, Te long ni hlang a yet kah rhoepnah khaw a phae.

¹⁴Caemtuhnah loh hlang muep a hinghuen tih, amih te namtong taeng lamloh namtong taengla a thaek. Te long te khopuei vongcak khaw a phae tih, hlanglen kah im khaw a palet mah.

¹⁵Caemtuhnah loh hlang haam nu khaw im lamloh a vai tih, amih kah thatlohnah phu te khaw a poeih pah.

¹⁶Caemtuh hlamla lu aka thuk hlang tah duem pawt vetih, rhoepnah nen khaw khosa mahpawh.

¹⁷Rhuihet neh a vuek vaengah a hma ni a om, te ol neh a vuek vaengah tah rhuh a paep sak.

¹⁸Cunghang dongah aka cungku he yet coeng, Tedae olka dongkah aka cungku tah a tluk moenih.

¹⁹Te dong lamkah aka khoem uh hlang khaw, a thintoek a yan hlang pawt te khaw, Te kah hnamkun loh a nan hlang pawt khaw, te kah hloong dongah a khoh pawt hlang khaw a yoethen.

²⁰Te kah hnamkun tah thi hnamkun la om tih, hloong khaw rhohum hlong la om bal.

²¹Te dueknah khaw a thae dueknah la om tih, te ham tah hell ni a om coeng.

²²Hlacim aka vuei thai thaomnah he a om moenih, amih te hmaisai long khaw dom thai mahpawh.

²³Tedae Boeipa aka hnawt tah hmuilai kah thaomnah dongah cungku ni. Te vaengah amih te a dom vetih paa voel mahpawh. Amih taengah sathueng bangla a tueih vetih, Amih te kaihlaeng bangla a paco ni.

²⁴Na koerhang te hling neh na mak bangla, na ka dongah thohkhaih neh thohkalh khaw khueh van.

²⁵Sui ngun te tawh na bang thil bangla, na ol ham khaw coi neh coilung khueh pah.

²⁶Na hmuilai dongah a lolh pawt ham ngaithuen, te daengah ni rhongngol la nang aka mah te maeh la a cungku eh.