Sirach 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹Cungkuem boeih Pathen aw, Kaimih soah he rhennah khueh lah.

²Namtom boeih taengah khaw, namah rhimomnah te khueh pah lah.

³Kholong namtom taengah na kut thueng lah, amih loh na tlungthangnah te hmuh van saeh.

⁴Amih taengah na cimnah tuengnah nan hnonah bangla kaimih taengah thangpomnah tueng ham amih hnonah lah.

⁵Ka ming uh bangla ming uh van saeh lamtah Boeipa namah phoeiah tah Pathen a tloe om pawh.

⁶Minoek thai neh a tloe kopoekrhai bibi te pae lah

⁷na kut neh bantang ban loh rhuepomnah tueng sak saeh

⁸Na thintoek te haeng lamtah kosi te khaw sah laeh

⁹rhal te phae lamtah thunkha te khoe laeh.

¹⁰Thintawn khohnin neh, tuentahnah tue khaw poek laeh, na tlungalnah khoboe te pilnam loh tae van saeh.

¹¹Aka sueng duen khaw kosi hmailing dongah tlum saeh, na pilnam nganboh aka pae te pocinah tong saeh.

¹²Ukkung boethae tah a lu pop saeh, Anih long te, “Kai phoeiah uh khaw om pawh,” a ti lah ko.

¹³Jakob koca rhoek te boeih coi laeh, Na khopuei cim Jerusalem ke lungma ti mai laeh, Te ni na omnah hamla na tuek.

¹⁴Zion Tlang kah na bawkim he Thangpo, mnah, koehnah laa neh baetawt sak lah.

¹⁵A tongcuek lamloh na suen na pilnam ham tah phong lah, na ming neh na thui tonghma ol te khaw soep sak lah.

¹⁶A tongcuek kah bangla a rho te amih taengah pae laeh,

¹⁷Boeipa aw nan ming aka khue pilnam te rhen lah, Na caming, Israel la a ming na sui soah khaw.

¹⁸Na hmuencin khopuei soah khaw lungma ti laeh, a omnah Jerusalem soah he khaw.

¹⁹Zion te na rhuepomnah he baetawt sak, na bawkim te namah thangpomnah te baetawt sak.

²⁰A cuekca kah na suen rhoek hamla laipai pah, naming rhangneh tonghma ol a phong te soep sak.

²¹Namah aka lamtawn te thaphang pae lamtah, na tonghma rhoek khaw uepom la phoe van saeh.

²²Boeipa aw na tueiyoeih kah thangthuinah he hnatun lah, namah kongaih te na pilnam taengah om van saeh. Diklai dongkah aka om boeih long khaw, Khosuen Pathen, Boeipa la na om te m'ming saeh.

²³Bungpuei loh caak khat khaw a doe coeng dae caak khat he pakhat lakah tui bal.

²⁴Dang loh maehkah khaw muep a ten bangla Lungbuei aka cueih loh laithae ol te a tuei.

²⁵Lungbuei aka maelh tah kothae a thoeng sak, tedae aka phaep uh tangtae loh anih koel a thuung ni.

²⁶Patong nu long tah tongpa boeih te a va la poek, hula long tah pakhat te ni rhep a tuuk.