Sirach 48

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹Tonghma Elijah tah hmai bangla a thoeng, A olthui khaw hmaithoi bangla tak.

²Amih soah khokhanah a pai sak tih, a kohlopnah loh amih a hlangmi a muei sak.

³Boeipa ol rhangneh vaan khaw a biing tih, a rhaepthum la hmai a tlak sak.

⁴Elijah nang tah na khuet tangkik, Na khoboe te khobae rhambae pawn ni. U kah thangpomnah longnim nang kah te a tluk.

⁵Nang loh rhok te dueknah lamkah khaw, Saelkhui lamkh khaw, Khohni kah olka rhangneh na thoh coeng.

⁶Manghai rhoek te cungkunah khuila na tueih tih, Mingthang hlang khaw a thingkong dongah na duek sak.

⁷Sinai kah a honah neh Horeb kah, Tawnloh laitloeknah khaw na yaak.

⁸Pilnam tholh thungnah aka khueh manghai hoek, nang aka pang ham tonghma rhoek khaw na koelh.

⁹Nang tah hmai humhae neh, hmai marhang leng loh n'loh coeng.

¹⁰A tue a pha vaengah thintoek thinsa neh, Pathen kah kosi aka paa sak hamla, A napa rhoek kah thinko te a ca rhoek taengah mael sak ham Jakob koca te thoh sak ham m'hmoel te a daek coeng.

¹¹Nang aka hmuh tih lungnah neh, aka thoeihcam rhoek tah a yoethen uh. Te dongah rhep ka hing uh van pawn ni.

¹²Elijah te hmumha loh a cun vaengah, Elisha tah a mueihla neh baetawt, Miknoek khaw rhaepnit la muep a saii, a ka dongkah khobaerhambae la thoeng. Amah tue vaengah tah ukkung hmaiah khaw thuen pawt tih, u long khaw anih te hnaep thai tlaih moenih.

¹³Anih ham tah a kuel a ka khaw om pawh, a duek phoeiah pataeng a rhok te tonghma pueng.

¹⁴A hing vaengah kopoek rhai a saii tih A dueknah dongah khaw a khoboe te kopoek rhai la om.

¹⁵Te lallah pataeng pilnam he yut pawt tih, a tholhnah te hnawt uh pawh. Amih te a khohmuen lamloh kutbuem la a poelyoe tih, diklai pum ah a thaek a yaak uh lalah khaw. Pilnam te hlangmi a yool bueng a paih uh tih, Daivi imkhui lamkah ukkung bueng te dawk om.

¹⁶Hlangvang loh a thuem tah a saii, Tedae a tloe rhoek tah ta-aep, ta-aep tholh uh.

¹⁷Hezekiah lo a khopuei te a cak sak tih, A tlaklung ah tui a loei. Lungpang khaw thicung neh a vueh tih, Tui hamla tui-im a saii.

¹⁸Anih tue ah Sennakherib loh ram a muk pah, Te dongah rhalkap a tueih tih nong uh. A kuthluem neh Zion a tlai thil tih, a mangkhaknah neh hoem muep a sat.

¹⁹Te dongah Israel tah a thinko tuen tih a kut thuen, Te vaengah huta bungltloh bangla kopang uh.

²⁰Tedae amih tah rhennah aka khueh Boeipa ni a khue uh Boeipa taengah ni a kut te a phuel uh. A Cim Pathen loh amih ol te vaan lamkah a yaak, Te dongah Isiah rhangneh amih te a loeih sak.

²¹Boeipa loh Assyrian kah rhaehhmuen te a tloek tih, A puencawn loh a mih te boeih a khoe.

²²Hezekiah loh Boeipa loh a ngaih te a saii tih, A napa David kah khosing te a cak la a khoem. Amah te a mangthuinah dongah uepomnah neh, a tanglue la aka om Isaiah loh rhep a uen coeng.

²³Isaiah tue vaengah khomik khaw a hnuk la mael, te dongah manghai kah a hinglung khaw a tom pah.

²⁴Mueihla thincaknah rhangneh hmailong khaw a hmuh tih, Zion kah rhungrhahnah te khaw koep a hloep.

²⁵A bawtnah tue mebang a thoeng ham khaw a phoe tih, Olhueng khaw a phoe hlanah boeih a thui.