Sirach 32

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹Buhkung ah rhoiboei na bi atah namah pom uh boeh, amih khuikah hlang bangla amih taengah khaw om van. Amih te ngaithuen lamhma lamtah ngol, na hutnah te na coeng phoeiah mah ngolhmuen lo.

²Te daengah ni a mih lakli ah khaw ng'uem uh vetih, mawtkung thenkah samkhuem te na dang eh.

³A ham la na om atah thui van, te te namah hamsum ni, Tedae mingnah neh a khuetnet la om saeh, Te vaengah phungding ol te rholrhak boeh.

⁴Omngaihbawtnah hmuen ah na olcal te hawk boeh, a tuetang pawt ah na boethen te yan boeh.

⁵Sui rhaiphuelh soah aithilung a om bangla yukung buhkung ah tumbael neh lamnah khaw om.

⁶Sui rhaiphuelh dongkah lungthen a om bangla yu a tui dongah tumding olthen khaw om

⁷Na camoe dae a tueng atah thui ngawn, tedae voeinit lakah tah yet boel saeh, n'dawt bueng mah dawk thui.

⁸Muep om cakhaw ol a yol neh bawt thui, a ming dae olka aka tuem hlang la om lah.

⁹Hlang len lakli ah khaw vanat la thuenglaeng boeh, A tloe loh a thui vaengah caitawk mailai boeh.

¹⁰Rhaek hmai lah khophaa a caeh lamhma bangla muelhtuet hmai ah oepnah khaw cet.

¹¹A tue then vaengah nong lamtah hnukkhoem la om boeh, im la koe mael lamtah calnat boeh.

¹²Na thinko loh a huem bangla namah khaw umya mai, tedae hoem ol lamloh tholhnah he om boel saeh.

¹³Cungkuem boeih lakah nang aka suen te uem lah, amah loh nang te kutdoe then n'kum sak bitni.

¹⁴Pathen aka tlap long tah amah toelnah a doe ni, amaih tlap hamla yueya aka tho tah kolonah a hmuh ni.

¹⁵Olkhueng aka tlap tah te nen te baetawt veih, hlangthai palat tah te soah te paloe ni.

¹⁶Boeipa aka rhih long tah laitloeknah khaw a thuem la boel ni, te vaengah duengnah te vangnah bangla a tok ni.

¹⁷Hlang tholh long tah toelnah te a aek vetih, oltloeknah khaw amah kongaih bangla a tlap ni.

¹⁸Aka khuel hlang long tah poeknah te a poek ni sawtrhoel pawh, thinthah neh thinlen tah rhihnah long khaw a cahoeh tloel.

¹⁹Na thuep mueh la mebang khaw saii boeh, Tedae na sal bal atah yut boeh.

²⁰Caeh thae namtlak ah khaw cet boeh, longkoek ah hna voei la tongtah boeh.

²¹Long then ah khaw hmae aih boeh, Na namtlak te a then la hnatungnah khueh.

²²Namah ca rhoek nawn khaw ngaithuen.

²³Bitat boeih dongah namah khoembael uh, he tlam ni olpaek na tuem eh.

²⁴Olkhueng aka tuem long tah amah khoembael uh, Boeipa tongah aka patung tah yawk tlaih mahpawh.