Sirach 47

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹Samuel phoeiah tah Nathan phoe, David tue vaengah ol a phong.

²Hmueih pumsoep dong lamkah a tha a hoep bangla, Israel khui lamloh David te hloep a coelh coeng.

³Sathueng te maae ca bangla, Vom khaw tuping tuca bangla a luemnah.

⁴A camoe ah a le khaw a ngawn tih, pilnam kah yahpohnah te khoe het pawt nim? Me vaengah lae payai neh lungcang a hil tih, Hlang hoem Goliath te mat a dae?

⁵Anih long tah Boeipa, Khohni ni a khue, Te dongah a bantang kut te thadueng a paek. Te vaengah hlangtlung hlangrhalh khaw a tloek tih, pilnam kah saithainah te a pomsang.

⁶Te dongah anih tah thawngrha khaw a noeng tila a thangpom, Boeipa loh yoethennah a khueh pa soah anih a koeh uh, Thangpomnah rhuisam te khaw anih a khuem sak uh bal

⁷Kaepvai boeih kah a thunkha te a khoe tih, A rhal Philistine khaw a thup dongah Mamih kah khohnin duela amih te paep uh.

⁸A saii boeih soah khaw A Cim Khohni, te a uemtih amah thangpomnah te a doek. Koehnah laa khaw a thinko boeih neh sak, Amah aka suenkung te khaw a lungnah.

⁹Hmueihtuk hmaiah laasa rhoek khaw a khueh tih, Amih ol dongah phungding olding a khueh sak.

¹⁰Amah loh khotue ham khaw sawthennah a khueh, Kum khat ham a tue boeih a soepsoei bal, Pathen kah a ming cim te a koeh uh vaengah, hmuencim tah mincang lamloh yue tuenpa coeng.

¹¹Boeipa loh a tholnah te a loh pah tih, a thaomnah te a yoeyah la a pomsang, Anih taengah manghi paipi neh, Irasael kah thangpomnah ngolkhoel a paek.

¹²Anih hnukah capa hlangcueih koep phoe, Anih rhangneh bidip la kho a sak uh.

¹³Solomon longtah rhalmongnah tue neh a manghai thil, Pathen loh a khorhi boeih ah rhalmongnah a khueh. Te daengah nih Boeipa ming te im a sak thai eh, Te dongah a rhokso te a yoeyah la a pai sak.

¹⁴Na camoe vaengah mah na cueih tangkik tih, yakmingnah te tuiva bangla na long coeng.

¹⁵Na tangluenah te diklai tom ah yilh cet. Nang tah olcueih thuingaihnah aka dung neh a baetawt.

¹⁶Na mingthang loh khohla sanglak a pha tih, Rhoepnah neh na manghai dongah nang te n'lungnah.

¹⁷Na laa khaw, na olcueih neh thuidoeknah khaw, Na hlatnah loh namtom khaw kopoekrhai a paek.

¹⁸Boeipa Pathen ming rhangneh, Israel Pathen aka khue la om. Sui khaw thi bangla na kol tih, Ngun khaw kawnlawk bangla na hmoek.

¹⁹Tedae na taengah aka yalh la yuu te na loh, Tedongah na pum te boengai oeng la na khueh.

²⁰Na rhuepomnah te dawih na koelh tih, na im ko te boeih na poeih. Te dongah na ca rhoek khaw kosi na loh pah, na ang dongah amih te nguekcoi uh.

²¹Na poengnah ram khaw rhek tih, Epharaim lamkah a poe loh ram a tloelh.

²²Tedae Boeipa loh a rhennah te hlahpham pawh, a bibi te poci sak hamla pakhat khaw khueh pawh. A coelh cadil he tah khoe tlaih mahpawh, A lungnah hlang kah im ko te bit mahpawh. Jakob kah a meet te a khueh tih, a imkhui kah a yung lamloh David a poek sak.

²³Solom te a napa rhoek taengla duem, Te vaengah a ca rhoek te a caehtak, a cueih talh tih a ang ni a yaal Rehohoam, anih kah khoboe loh pilnam boe a koek sak. Nebat capa Jeroboam loh Israel te tholh khuila a mawt, Tholhnah longpuei Epharaim a tong sak.

²⁴Amih kah tholhnah te ta-oe ta-oe pungtai, a khohmuen lamloh saldong la a khuen hil.

²⁵Halang koi boeih te a tlap uh, amih soah tawnlohnah a pai duela.